India vs New Zealand 2nd ODI : भारत आणि न्यूझीलंड यांच्यातील दुसरा वनडे 27 नोव्हेंबरला हॅमिल्टनच्या मैदानावर खेळल्या जाणार आहे. भारतीय संघाला पहिल्या एकदिवसीय सामन्यात 7 गडी राखून पराभव स्वीकारावा लागला होता. आता यानंतर कर्णधार शिखर धवन दुसऱ्या टी-20 सामन्याच्या प्लेईंग इलेव्हनमध्ये मोठे बदल करू शकतो. पहिल्या एकदिवसीय सामन्यात खराब कामगिरी करणाऱ्या प्लेइंग इलेव्हनमधून अनेक स्टार खेळाडूंना बाहेरचा रस्ता दाखवू शकतो.

युजवेंद्र चहलला संपूर्ण टी-20 विश्वचषक स्पर्धेत संधी मिळाली नाही. यानंतर न्यूझीलंडविरुद्धच्या पहिल्या वनडेत तो आपल्या लय मध्ये दिसला नाही. त्याच्याविरुद्ध विरोधी फलंदाजांनी भरपूर धावा केल्या आणि टीम इंडियाच्या पराभवाचे ते मोठे कारण होते. किवी संघाविरुद्ध त्याने 10 षटकात 68 धावा दिल्या आणि त्याला एकही विकेट मिळवता आली नाही. अशा स्थितीत दुसऱ्या वनडेत कर्णधार शिखर धवनला बेंच स्ट्रेंथ आजमावायला आवडेल. युझवेंद्र चहलच्या जागी तो कुलदीप यादवला संधी देऊ शकतो.

न्यूझीलंडविरुद्धच्या पहिल्या एकदिवसीय सामन्यात शार्दुल ठाकूर वाईटरित्या फ्लॉप ठरला. गोलंदाजी आणि फलंदाजीत तो अप्रतिम खेळ दाखवू शकला नाही. फलंदाजी करताना त्याने केवळ 1 धाव काढली. त्याचबरोबर गोलंदाजीतही तो महागडा ठरला. त्याने 9 षटकात 63 धावा दिल्या आणि 1 विकेट घेतला. अशा स्थितीत त्याच्या जागी दीपक चहरला दुसऱ्या वनडेत संधी दिली जाऊ शकते.

दीपक चहर हा खेळाडू आहे जो किलर बॉलिंग आणि धडाकेबाज फलंदाजीत माहिर आहे. त्याने भारतीय संघासाठी अनेक सामने स्वबळावर जिंकले आहेत. त्याने टीम इंडियासाठी 9 एकदिवसीय सामन्यांमध्ये 15 बळी घेतले आहेत. त्याचबरोबर त्याने बॅटने 180 धावा केल्या आहेत, ज्यात 2 झंझावाती अर्धशतकांचा समावेश आहे.