भारत आणि न्यूझीलंड यांच्यातील पहिल्या टी 20 सामन्यात भारताचा 21 धावांनी पराभव झाला. आज दुसरा टी २० सामना खेळवण्यात येणार आहे. दरम्यान, भारतीय संघात मोठा बदल होण्याची शक्यता वर्तवण्यात येत आहे. मालिकेत जिवंत राहण्यासाठी कॅप्टन हार्दिक पांड्या मोठी खेळी खेळणार आहे. (India vs New Zealand 2nd T20 Jitesh Sharma playing 11 Hardik Pandya )

न्यूझीलंडविरुद्धच्या पहिल्या टी-२० सामन्यात टीम इंडियाच्या फलंदाजांना चांगली कामगिरी करता आली नाही. केवळ वॉशिंग्टन सुंदरला अर्धशतक करता आले. पहिला सामना गमावल्यानंतर टीम इंडिया मालिकेत 0-1 ने पिछाडीवर आहे.

अशा स्थितीत कर्णधार हार्दिक पांड्या दुसऱ्या टी-20 सामन्यात जितेश शर्माला प्लेइंग इलेव्हनमध्ये संधी देऊ शकतो. तो उत्कृष्ट फॉर्ममध्ये धावत असून स्फोटक फलंदाजीत माहिर आहे. त्याचे यष्टिरक्षण कौशल्यही अप्रतिम आहे.

आयपीएलचे मैदान गाजवले

आयपीएलमध्ये जितेश शर्माने पंजाब किंग्सकडून खेळताना चांगलेच मैदान गाजवले. संघाकडून जितेशने १२ सामने खेळले आहेत. त्याने यादरम्यान, २३४ धावा केल्या. दिल्ली कॅपिटल्सविरुद्ध ३४ बॉलमध्ये ४४ धावा केल्या. त्याच्या या कामगिरीने हार्दिक पांड्या त्याला संधी देऊ शकतो.

जितेश शर्माने 2013-14 विजय हजारे ट्रॉफीमध्ये देशांतर्गत क्रिकेटमध्ये लिस्ट ए मध्ये पदार्पण केले आणि पहिल्या दोन हंगामात विदर्भासाठी केवळ मर्यादित षटकांचे सामने खेळले. सय्यद मुश्ताक अली ट्रॉफी 2015-16 मध्ये तो तिसरा सर्वाधिक धावा करणारा खेळाडू ठरला. त्याने एक शतक आणि दोन अर्धशतकांसह 143.51 च्या स्ट्राइक रेटने 343 धावा केल्या.