India vs Pakistan Asia Cup : आशिया कपमधील सर्वात हाय व्होल्टेज सामना, भारत - पाकिस्तान सामना हा 2 सप्टेंबरला श्रीलंकेतील कँडी येथे होणार आहे. वर्ल्डकपपूर्वी भारतासाठी चांगला सराव करून घेण्याची नामी संधी आहे. मात्र भारतीय संघाला अजूनही दुखापतींचा फटका बसत आहे. भारताचा विकेटकिपर केएल राहुल हा दुखापतीतून अजून सावरला नसल्याने तो पाकिस्तानविरूद्धचा सामना खेळणार नाही.

त्यामुळे पाकिस्तानविरूद्ध भारताची प्लेईंग 11 कशी असले याबाबत जोरदार चर्चा सुरू आहे. केएल राहुलच्या जागी इशान किशनला प्लेईंग 11 मध्ये जागा मिळेल हे जवळपास निश्चित आहे. याचबरोबर जसप्रीत बुमराह आणि श्रेयस अय्यर हे दोघे टीम इंडियात पुनरागमन करतील. मात्र बाबर सेनेविरूद्ध सूर्यकुमार यादव की तिलक वर्मा दोघांपैकी कोणाला संधी मिळणार हे अजून गुलदस्त्यात आहे.

केएल राहुलने रोहित शर्मासमोर दोन मोठे प्रश्न उपस्थित केले आहेत. पहिला म्हणजे रोहितला इशान किशनला खेळवावेच लागणार आहे. दुसरे म्हणजे इशान किशन हा फक्त वरच्या फळीतच खेळू शकतो. त्यामुळे भारतीय संघ कोणाला सलामीला पाठवणार हा मोठा प्रश्न निर्माण झाला आहे.

शुभमन गिल आणि इशान किशन दोघेही सलामीवीर म्हणून चांगली कामगिरी करतात. मात्र त्यामुळे भारतीय संघ व्यवस्थापन रोहित शर्माला तिसऱ्या किंवा चौथ्या क्रमांकावर खेळवणार का? हा मोठा प्रश्न भारताचे प्रशिक्षक राहुल द्रविडसमोर असणार आहे.

पाकिस्तानविरूद्धच्या सामन्यासाठी भारताची संभाव्य प्लेईंग 11 :

रोहित शर्मा (कर्णधार)

शुभमन गिल

इशान किशन (विकेट किपर)

विराट कोहली

श्रेयस अय्यर

हार्दिक पांड्या

रविंद्र जडेजा

कुलदीप यादव

मोहम्मद सिराज

मोहम्मद शमी

जसप्रीत बुमराह

(Sports Latest News)