India Vs Pakistan SAFF Championships : एसएएफएफ चॅम्पियनशिपच्या पहिल्याच सामन्यात आज भारत आणि पाकिस्तान हे कट्टर प्रतिस्पर्धी एकमेकांशी भिडणार आहेत. बंगळुरू येथे आज 7.30 वाजता हा सामना होणार आहे. मात्र या सामन्यासाठी पाकिस्तानचा संघ दाखल होताना काही समस्या निर्माण झाली होती.
पाकिस्तान फुटबॉल संघातील 6 खेळाडू आणि 3 अधिकारी हे आज सकाळी 6 वाजता बंगळुरू विमानतळावर दाखल झाले. तर उरलेला संघ हा दुपारी 12.30 ला बंगळुरू येथे दाखल झाला. पाकिस्तानचा संघ दोन विमानातून भारतात आले.
काही खेळाडूंना उशीर होणार असल्याने सामन्याची वेळ बदलण्यात येणार का अशी चर्चा सुरू होती. मात्र सामना ठरल्या वेळेनुसारच होणार आहे.
पाकिस्तान संघाला भारतात दाखल होण्यासाठी लागणारा विजा अजून मिळाला नसल्याने सर्व गोंधळ झाला. यामुळे पाकिस्तान संघाला दोन दिवस उशिरा विजा मिळाला. संघ मॉरिशियसमध्ये पोहचला होता. ते भारतात मुंबई विमानतळावर येणार होते. तेथून ते बंगळुरू येथे पोहचणार होते.
पाकिस्तान फुटबॉल फेडरेशनला पाकिस्तानच्या मंत्रालयाकडून उशिरा ना हरकत प्रमाणपत्र मिळाले. ही परवानगी शुक्रवारी मिळाली यानंतर संघ रविवारी पुढच्या प्रवासाला निघाली. मात्र संघाला सरावासाठी पुरेसा वेळ मिळणार नव्हता म्हणून सामना पुढे ढकलण्यात यावा अशी विनंती संघाने केली होती.
मात्र जर पाकिस्तान संघ आज रात्री बंगळुरात दाखल झाला नाही तर सामना पुढे ढकलला जाणार होता. मात्र संघ दाखल झाल्याने सामना ठरल्या वेळेनुसार होणार आहे. या सामन्यासाठी भारतीय संघ देखील स्टेडियममध्ये दाखल झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.