Betting on India vs Pakistan Match:एकदिवसीय विश्वचषक २०२३ या स्पर्धेचं आयोजन भारतात करण्यात आलं आहे. यामध्ये भारत आणि पाकिस्तान सामन्यासाची प्रेक्षक आतुरतेने वाट पाहत होते. भारत आणि पाकिस्तान सामन्याची ज्या दिवळी तारीख जाहीर करण्यात आली होती, त्याच दिवशी सर्व तिकीटांची विक्री देखील झाली.

भारत आणि पाकिस्तान संघांमध्ये कोणतीही द्विपक्षीय मालिका खेळवली जात नाही, त्यामुळे हे संघ आयसीसी स्पर्धांमध्येच समोरासमोर असतात. त्यामुळे सर्व देशांच्या नजरा या सामन्यावर खिळून असतात. मात्र, या सामन्याची जितक्या आतुरतेने चाहते वाट बघतात तितक्याच आतुरतेने सट्टेबाजांची देखील नजर यावर असते.

भारत आणि पाकिस्तान हे संघ शनिवारी (दि. १४ ऑक्टोबर) अहमदाबादच्या नरेंद्र मोदी स्टेडियमवर एकमेकांसमोर उभे ठाकले होते. या सामन्यावर सट्टेबाजारात जवळपास ४० कोटींचा सट्टा लागलाय. मात्र, हा आकडा याहूनही मोठा असल्याचा अंदाज आहे. याबाबत टीव्ही-९ मराठीने वृत्त प्रसारित केले आहे.

भारत आणि पाकिस्तान या संघात भारतातील सर्वात मोठ्या स्टेडियमवर सामना खेळवला जातोय. भारताने नाणेफेकीचा कौल जिंकून क्षेत्ररक्षणाचा निर्णय घेतला. मोहम्मद सिराजने पाकिस्तानचा सलामीवीर अब्दुल्ला शफीक याला २० धावांच्या वैयक्तिक धावसंख्येवर असताना पायचित करुन पाकिस्तानला पहिला धक्का दिला. त्यानंतर हार्दिक पंड्याने इमाम-उल-हल याला केएल राहुलच्या हातून झेलबाद केले. अशा पद्धतीने पाकिस्तनची सलामीवीर जोडी तंबूत परतली. (Latest Marathi News)

एकदिवसीय विश्वचषकात भारताचं पाकिस्तानवर दांडगं वर्चस्व आहे. आतापर्यंत भारत आणि पाकिस्तान विश्वचषकात एकूण ७वेळा समोरासमोर आले आहेत. यामधील सर्व सामने भारताने जिंकले आले आहेत. विश्वचषकात पाकिस्तान भारताला एकदाही पराभूत करु शकत नाही. पाकिस्तानला अजूनही पहिल्या विजयाची आस आहे.(Latest Marathi News)