India vs Pakistan CWC 2023 : पाकिस्तान क्रिकेट बोर्डाने अहमदाबादच्या नरेंद्र मोदी स्टेडियममध्ये झालेल्या प्रकाराबद्दल आयसीसीकडे तक्रार केली आहे. पाकिस्तान क्रिकेट बोर्डाचे चेअरमन झाका अश्रफ यांनी पाकिस्तानात दाखल होताच एक तातडीची बैठक बोलावली होती. यावेळी त्यांनी स्टेडियममध्ये खेळाडूंना देण्यात आलेली वाईट वागणूक, पाकिस्तानी चाहत्यांना भारतात येण्याची परवानगी नाकारणे यावर नाराजी व्यक्त केली.

दरम्यान, पीसीबीच्या या तक्रारीवर पाकिस्तानच्या माजी क्रिकेटपटू दानिश कनेरियाने मात्र झाका अश्रफ यांना घरचा आहेर दिला आहे. त्याने ट्विट केले की, 'पाकिस्तानी पत्रकार जैनब अब्बासला भारत आणि हिंदूविरूद्ध टिप्पणी करण्यात कोणी सांगितले होते? मिकी आर्थरने आयसीसी स्पर्धेला बीसीसीआयचा इव्हेंट म्हणायला कोणी सांगितले होते? रिजवानला मैदानावर नमाज पढण्यास कोणी सांगितले होते? दुसऱ्यांचे दोष शोधणे बंद करा.'