India vs South Africa 2nd T20I Match : भारत आणि दक्षिण आफ्रिका यांच्यातील तीन सामन्यांच्या टी-20 मालिकेतील दुसरा सामना गुवाहाटी येथे खे ळल्या जात आहे. दक्षिण आफ्रिकेने नाणेफेक जिंकून प्रथम गोलंदाजी करण्याचा निर्णय घेतला आणि भारताने दक्षिण आफ्रिकेसमोर 238 धावांचे मोठे लक्ष्य ठेवले.

खराब प्रकाशामुळे सामना थांबवण्यात आला आहे. भारताच्या 237 धावांना प्रत्युत्तर देताना दक्षिण आफ्रिकेने 2.1 षटकांत 2 गडी गमावून पाच धावा केल्या. क्विंटन डी कॉक पाच आणि एडन मार्कराम शून्यावर खेळत आहे. यापूर्वी मैदानात साप दिसल्याने सामना थांबवण्यात आला होता, मात्र काही वेळातच सामना सुरू झाला. यावेळी मैदानावरील एकही फ्लड लाईट काम करत नव्हती. यामुळे सामना थांबवण्यात आला आणि काही वेळाने लाईट फिक्स झाल्यानंतर सामना सुरू झाला.

भारताचे सलामीवीर रोहित शर्मा आणि केएल राहुल यांनी पॉवर प्लेची आक्रमक सुरूवात करण्याचा प्रयत्न केला. मात्र या दोघांना भारताला पहिल्या 3 षटकात 21 धावांपर्यंतच मजल मारून देता आली. पहिल्या तीन षटकात फारसे हात खोलण्याची संधी न मिळालेल्या रोहित - राहुल जोडीने पुढच्या तीन षटकात तुफान फटकेबाजी करत भारताला 6 षटकात बिनबाद 57 धावांपर्यंत पोहचवले. प्रथम फलंदाजी करताना भारतीय सलामीवीरांना पॉवर प्लेमध्येच आक्रमक सुरूवात केली. मात्र सातव्या षटकानंतर खेळ काही खाळ थांबवावा लागला कारण मैदानात साप आला होता.

विराट कोहली आणि सूर्यकुमार यादव यांनी तिसऱ्या विकेटसाठी शतकी भागीदारी करत भारताची धावसंख्या 200 च्या पुढे नेली. मात्र गैरसमजामुळे सूर्यकुमार 22 चेंडूत 61 धावा करून बाद झाला. विराट 28 चेंडूत 49 धावा करून नाबाद राहिला. अखेरीस, दिनेश कार्तिकने सात चेंडूत 17 धावा करत भारताची धावसंख्या 237 धावांवर नेली. दक्षिण आफ्रिकेविरुद्ध टी-20 मध्ये भारताची ही सर्वोच्च धावसंख्या आहे.