मोहली : भारतीय संघाने उभारलेल्या डोंगराएवढ्या धावसंख्येचा पाठलाग करताना श्रीलंकेची सुरुवात खराब झालीये. दुसऱ्या दिवशी भारतीय संघाने डाव घोषीत केल्यानंतर पाहुण्या संघाने आपल्या पहिल्या डावाला सुरुवात केली. दुसऱ्या दिवसाअखेर त्यांनी 108 धावांत 4 गडी गमावले होते.

रविंद्र जाडेजाच्या नाबाद 175 धावांच्या जोरावर टीम इंडियाने पहिल्या डावात धावांचा डोंगर उभारला आहे. भारतीय संघाचा कर्णधार रोहित शर्मानं चहापानापूर्वीच आपला डाव 8 बाद 574 धावांवर घोषीत केला. भारत आणि श्रीलंका ( India vs Sri Lanka) यांच्यातील पहिल्या कसोटीच्या दुसऱ्या दिवशी (1st test Day 2) भारतीय संघाने 6 बाद 357 धावांपासून पुढे खेळण्यास सुरूवात केली. पहिल्या दिवसाचा खेळ संपला त्यावेळी रविंद्र जडेजा (Ravindra Jadeja) 45 धावांवर तर रविचंद्रन अश्विन (R. Ashwin) 10 धावा करून नाबाद होते. पहिला डाव घोषीत केल्यानंर रविंद्र जाडेजा 175 धावांवर नाबाद परतला.

पहिल्या कसोटीच्या पहिल्या दिवशी भारताकडून ऋषभ पंत, हनुमा विहारी आणि आपली शंभरावी कसोटी खेळणाऱ्या विराट कोहलीने (Virat Kohli) चांगली फलंदाजी केली. मात्र या पहिल्या दिवशी काही हार्ट ब्रेकिंग घटनाही घडल्या. विराट कोहलीला आपले अर्धशतक पूर्ण करता आले नाही तर ऋषभ पंत आपल्या शतकापासून अवघ्या 4 धावा दूर राहिला.

103-4 : अश्विनच्या खात्यात आणखी एक विकेट, धनंजयाच डिसिल्वा अवघ्या एका धावेवर तंबूत

• 96-3 : मॅथ्यूजच्या रुपात श्रीलंकेला तिसरा धक्का; बुमराहनं त्याला 22 (39) धावांवर केले पायचित

बुमराहने निसंकाला नो बॉलवर केले बोल्ड

59-2 : जडेजाने सेट झालेल्या करूनारत्नेला दाखवला पॅव्हिलियनचा रस्ता

48-1 : अश्विनने लंकेला दिला पहिला धक्का; लाहिरू थिरिमाने 17 धावा करून बाद

भारताने आपला पहिला डाव 574 धावांवर केला घोषित; जडेजा राहिला 175 धावांवर नाबाद

लंचनंतर रविंद्र जडेजाने फिरलवा तुफान दांडपट्टा; नाबाद दीडशतकी खेळीमुळे भारत 550 पार

भारताच्या लंचपर्यंत ७ बाद 468 धावा

जडेजाची 'शतकी' तलवारबाजी; भारताचा धावांचा डोंगर

अश्विनने सोडली जडेजाची साथ; 61 धावा करून झाला बाद

जडेजा पाठोपाठ अश्विननेही ठोकले अर्धशतक

भारत 400 पार तर रविंद्र जडेजाने ओलांडली पंचाहत्तरी

मोहालीवर तलवार सेलिब्रेशन; रविंद्र जडेजाचे दमदार अर्धशतक

भारत 6 बाद 357 धावांपासून पुढे खेळणार; जडेजा 45 तर अश्विन 10 धावांवर आहेत नाबाद