Mithali Raj Retirement Harmanpreet Kaur Captain: भारतीय महिला क्रिकेटची महान खेळाडू मिताली राजने आंतरराष्ट्रीय क्रिकेटमधून निवृत्ती घेतल्यानंतर भारतीय क्रिकेट नियामक मंडळाने भारतीय महिला क्रिकेट संघाच्या आगामी श्रीलंका दौऱ्यासाठी संघाची घोषणा केली आहे.

मिताली राजच्या निवृत्तीनंतर आता वनडे मध्ये कोण कर्णधार होणार हे पण बीसीसीआयने स्पष्ट केले आहे. मिताली राजच्या क्रिकेटमधून निवृत्ती घेतल्यानंतर अखिल भारतीय महिला निवड समितीची बुधवारी बैठक झाली. त्यामध्ये त्यांनी श्रीलंका दौऱ्यासाठी संघाची घोषणा केली आहे. भारत दांबुला आणि कॅंडी यांच्याबरोबर तीन T-20 आणि तीन एकदिवसीय सामने खेळणार आहेत.

हरमनप्रीत कौरला निवड समितीने महिला एकदिवसीय संघाचे कर्णधारपद सोपवलं आहे. आधीपासूनच हरमनप्रीत भारतीय महिला टी-20 संघाचे नेतृत्व करत होती. याशिवाय मिताली राजच्या अनुपस्थितीत हरमनप्रीतने संघाचे नेतृत्वही केले आहे. त्यामुळे तिच्याकडे एकदिवसीय संघाचे कर्णधारपदही सोपवण्यात आले आहे. स्मृती मंधानाला दोन्ही संघाची उपकर्णधार बनवण्यात आली आहे.

भारतीय महिला क्रिकेट संघाचा श्रीलंका दौरा 23 जून ते 7 जुलैला सुरू होणार आहे. पहिला T20 आंतरराष्ट्रीय सामना 23 जून रोजी डंबुला येथे खेळवला जाईल, दुसरा सामना 25 जूनला आणि तिसरा सामना 27 जूनला त्याच मैदानावर होणार आहे. एकदिवसीय मालिका कॅंडी येथे खेळली जाईल, ज्याचा पहिला सामना 1 जुलै रोजी, दुसरा सामना 4 जुलै रोजी आणि तिसरा सामना 7 जुलै रोजी होणार आहे.