पोचेफस्ट्रूम : ड गटाच्या साखळी फेरीत सलग तीन लढतींमध्ये विजय मिळवणाऱ्या भारताच्या महिला हॉकी संघाचे ज्युनियर हॉकी विश्वकरंडकाच्या अंतिम फेरीत पहिल्यांदाच पोहोचण्याचे स्वप्न रविवारी भंग झाले. नेदरलँडच्या महिला हॉकी संघाने येथे पार पडलेल्या उपांत्य फेरीच्या लढतीत भारतावर ३-० अशा फरकाने विजय मिळवला व अंतिम फेरीत प्रवेश केला. भारतीय संघाचे आव्हान मात्र उपांत्य फेरीतच संपुष्टात आले.
११व्या मिनिटाला बीतस्मा तेसा हिने, ५२व्या मिनिटाला फोके लूना हिने आणि ५३व्या मिनिटाला डिके झिप हिने नेदरलँडसाठी गोल केले.
२०१३ ची पुनरावृत्ती
भारतीय ज्युनियर महिला हॉकी संघाने जर्मनी येथे २०१३मध्ये झालेल्या स्पर्धेमध्ये इंग्लंडला हरवत तिसरा क्रमांक पटकावला होता. यंदाही भारताचा संघ उपांत्य फेरीत पराभूत झाला आहे. त्यामुळे तिसऱ्या व चौथ्या स्थानासाठीच्या लढतीत या संघाला झुंजावे लागणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.