Indian Football Team Picked On Basis Of Astrologer : फुटबॉलची क्रेझ फक्त भारतातच नाही तर संपूर्ण जगभरात पाहायला मिळते. संघातील कोणत्या खेळाडूला संधी द्यायची आणि कोणाला संघातून बाहेरचा रस्ता दाखवायचा. हे ठरवणे कोणत्याही संघाच्या कोचच्या हातात असते. यासोबतच खेळाडूंची चांगली कामगिरी आणि फिटनेस लक्षात घेऊन प्रशिक्षक कोणत्याही खेळाडूला संघात स्थान देतात.

त्याच वेळी, खेळाडूंना त्यांच्या कुंडलीची स्थिती जाणून घेतल्यावरच भारतीय फुटबॉल संघात खेळण्याची संधी मिळत आहे. खरे तर संघात सामील होण्यासाठी तंदुरुस्तीसोबतच खेळाडूंचे ग्रह योग्य असायला हवेत. ज्यांचे स्टार्स चांगले नाहीत त्यांना संघात संधी मिळणार नाही. हे वाचून तुम्हालाही आश्चर्याचा धक्का बसला असेल.

इंडियन एक्सप्रेसच्या बातमीनुसार, भारतीय फुटबॉल संघाचे प्रशिक्षक इगोर स्टिमॅक यांनी गेल्या वर्षी अनेक सामन्यांमध्ये संघातील खेळाडूंची निवड करण्यासाठी ज्योतिषी भूपेश शर्मा यांची मदत घेतली होती. एवढेच नाही तर ग्रह-तारे योग्य स्थितीत असल्यास ज्योतिषाने खेळाडूंना भारतीय फुटबॉल संघात खेळण्याची संधी दिली.

रिपोर्टनुसार, गेल्या वर्षी जूनमध्ये आशियाई कप क्वालिफायरमध्ये अफगाणिस्तानविरुद्धच्या सामन्याच्या 48 तास आधी, संघाचे प्रशिक्षक स्टिमॅक यांनी 11 खेळाडूंच्या नावांची यादी ज्योतिषी भूपेश शर्मा यांनाही पाठवली होती.

ज्योतिषाने काही खेळाडूंच्या नावांविरोधातही भाष्य केल्याची माहिती आहे. कोण चांगली कामगिरी करेल आणि कोण नाही? याशिवाय संघात कोणकोणत्या खेळाडूंचा समावेश करावा हे ओळखण्यासाठी रेड सिग्नलचा वापर करण्यात आला.

रिपोर्टनुसार, प्रत्येक सामन्यापूर्वी स्टिमॅकने संघाला अंतिम स्वरूप देण्यापूर्वी ज्योतिषाकडून माहिती घेतली होती आणि जखमी आणि पर्यायी खेळाडूंबाबतची रणनीतीही शेअर केली होती.

एक्स्प्रेसच्या बातमीनुसार, एआयएफएफचे तत्कालीन सरचिटणीस कुशल दास यांनी प्रशिक्षक स्टिमॅक आणि ज्योतिषी भूपेश यांच्यात भेटीची व्यवस्था केली होती.

दास म्हणाले, 'आम्ही संघातील खेळाडूंच्या निवडीसाठी ज्योतिषी भूपेश शर्मा यांची दोन महिने मदत घेतली. याशिवाय सुमारे 12 ते 15 लाख रुपयांचे पेमेंटही करण्यात आले.