ISSF World Championship : भारताच्या पुरूष संघाने 10 मीटर एअर पिस्तूल प्रकारात भारताला आयएसएसएफ जागतिक अजिंक्यपद स्पर्धेत पहिले पदक जिंकून दिले. शिवा नरवाल, सरबजीत सिंग, अर्जुन सिंह चीमा यांच्या संघाने अझरबैजानमधील बाकू येथे सुरू असलेल्या ISSF World Championship स्पर्धेत कांस्य पदक पटकावले.
भारतीय संघातील सर्व नेमबाजांनी एकूण 1734 गुण मिळवले. रौप्य पदक विजेत्या जर्मनीपेक्षा भारताचे फक्त 9 गुणच कमी राहिले. 10 मीटर एअर पिस्तूल पुरूष सांघिक प्रकारात चीनने सुवर्ण पदक जिंकले. भारताकडून नरवालने 579, सरबजोतने 578 आणि चीमाने 577 गुण मिळवले.
चीनच्या संघातील झांग बोवेन (587), लियू (582) आणि यू (580) यांनी एकूण 1749 गुण मिळवत सुवर्ण पदक पटकावले. जर्मन संघाकडून रॉबिन वॉल्टर (586), मायकेल श्वाल्ड (581) आणि पॉल फ्रोहलिच (576) यांनी एकूण 1743 गुण मिळवत रौप्य पदक पटकावले.
भारताने सांघिक प्रकारात जरी पदक जिंकले असले तरी भारतीय संघातील एकाही नेमबाजाला पहिल्या 8 खेळाडूंमध्ये स्थान मिळवता आले नाही. त्यामुळे त्यांना वैयक्तिक पदकासाठीच्या फायनल राऊंडमध्ये खेळण्याची संधी मिळाली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.