Lakshya Sen | Paris Olympic 2024 Sakal
क्रीडा

Paris Olympic 2024: भारताच्या लक्ष्य सेनला सेमीफायनलमध्ये पराभवाचा धक्का; आता कांस्य पदकासाठी खेळणार

Lakshya Sen Badminton: भारताचा बॅडमिंटनपटू लक्ष्य सेन याला सेमीफायनलमध्ये पराभवाचा सामना करावा लागला आहे. त्यामुळे तो सुवर्णपदकाच्या शर्यतीतून बाहेर झाला.

Pranali Kodre

Lakshya Sen at Paris Olympic 2024: पॅरिस ऑलिम्पिक २०२४ स्पर्धेत रविवारी अनेक महत्त्वाचे सामने होत असून यातील एक सामना म्हणजे बॅडमिंटनमधील पुरुष एकेरी गटातील उपांत्य सामना.

या सामन्यात भारताच्या लक्ष्य सेन डेन्मार्कच्या विक्टर एक्सेलसेन विरुद्ध खेळण्यासाठी उतरला. पण या सामन्यात लक्ष्य सेनला पराभवाचा सामना करावा लागला. अटीतटीच्या या लढतीत लक्ष्य सेनला विक्टरने २०-२२, १४-२१ अशा सरळ दोन गेममध्ये पराभूत केले.

दरम्यान आता लक्ष्य सेनला कांस्य पदकासाठी खेळण्याची संधी आहे. त्याचा कांस्य पदकाचा सामना मलेशियाच्या झी जिया ली याच्यावरुद्ध होणार आहे. ली थायलंडच्या कुनलावुत विटीडसर्नविरुद्ध उपांत्य सामन्यात पराभूत झाला आहे.

तसेच सुवर्ण पदकाचा सामना विक्टर एक्सेलसेन आणि कुनलावुत विटीडसर्न यांच्यात होईल. कांस्य पदकाचा आणि सुवर्ण पदकाचा सामना सोमवारी (५ ऑगस्ट) होणार आहे.

लक्ष्य सेनची झुंज अपयशी...

अनुभवी विक्टर एक्सेलसेन याने सुरुवात चांगली केली होती. त्याने पहिल्याच गेममध्ये त्याने ४-१ अशा फरकाने आघाडी घेतली होती. पण त्यानंतर लक्ष्ये सेनने चांगले पुनरागमन करत ६-६ अशी बरोबरी साधली. पण त्यानंतरही विक्टरचे काही चांगले स्मॅश केले, पण त्याला लक्ष्यकडूनही चांगले प्रत्युत्तर मिळाले.

लक्ष्यच्या ताकदवान स्मॅशचं उत्तर विक्टरलाही सुरुवातीला सापडलं नाही. दरम्यान, लक्ष्य सेनने १८-१३ अशी आघाडीही घेतली. त्यामुळे हा गेम तो जिंकेल असं वाटत होतं. मात्र विक्टरने त्याचा अनुभवाचा वापर करत दमदार पुनरागमन केले आणि ३ पाँइंट्स मिळवत लक्ष्यची आघाडी कमी केली. पण तरी लक्ष्यने २०-१७ अशी आघाडी घेतली. त्याच्याकडे तीन गेम पाँइंट होते.

पण विक्टरनेही हार मानली नाही. लक्ष्यलाही ३ गेम पाँइंट वाचवता आले नाहीत. त्यामुळे २०-२० अशी बरोबरी झाली. सामना रोमांचक वळणावर असताना विक्टरने २ पाँइट्स मिळवत गेम जिंकला.

दुसऱ्या गेममध्ये लक्ष्यने सुरुवात अप्रतिम केली होती. त्याने ७-० अशी आघाडी मिळवली होती. पण पुन्हा एकदा विक्टरने पुनरागमन करत सलग ३ पाँइंट्स मिळवले. तरी दुसऱ्या गेमच्या मध्यापर्यंत लक्ष्य आघाडीवर होता.

मात्र, नंतर विक्टरने लक्ष्य सेनला फारशी संधी न देता हा गेम सहज जिंकला आणि सामनाही जिंकला. त्यामुळे आता विक्टरला सलग दुसऱ्यांदा सुवर्णपदक जिंकण्याची संधी असणार आहे. विक्टर टोकियो ऑलिम्पिकमधील सुवर्णपदक विजेता खेळाडू आहे.

दरम्यान, लक्ष्य सेन पराभूत झाला असला तरी त्याने मोठा विक्रम केला आहे. तो पुरुषांच्या एकेरी गटात उपांत्य सामना खेळणारा पहिलाच भारतीय बॅडमिंटनपटू आहे. आता जर त्याने कांस्य पदकाच्या सामन्यात विजय मिळवला, तर तो सायना नेहवाल आणि पीव्ही सिंधू यांच्यानंतर ऑलिम्पिक पदक जिंकणारा तिसराच भारतीय ठरेल, तर पहिलाच भारतीय पुरुष खेळा़डू ठरेल.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT