मुंबई : आयसीसी महिला टी20 विश्वकरंडाकासाठी आज भारताचा संघ जाहीर करण्यात आला. हरमनप्रीत कौरकडे संघाचे नेतृत्व देण्यात आले असून स्मृती मानधनाकडे संघाचे उपकर्णधारपद सोपविण्यात आले आहे. आयसीसी महिला टी20 विश्वकरंडकाला 21 फेब्रवारीपासून सुरवात होणार आहे.
भारतीय संघात फक्त एक बदल केला आहे. बंगालची फलंदाज रिचा घोष हिला विश्वकरंडकात पदार्पणाची संधी देण्यात आली आहे. रिचाने महिला टी20 चॅलेंजर करंडकात केलेल्या तुफानी खेळीमुळे तिला संघात स्थान देण्यात आले आहे. तिने महिला चॅलेंजर करंडकातील एका सामन्यात चार चौकार आणि एका षटकारासह 26 चेंडूंत 36 धावा केल्या होत्या.
भारतीय संघात दिप्ती शर्मा आणि वेदा कृष्णमूर्ती या अष्टपैलू म्हणून जबाबदारी स्वीकारतील. गोलंदाजीमध्ये अरुंधती रेड्डी, शिखा पांडे, राधा यादव यांनी स्थान कायम राखले आहे.
15 वर्षांची शेफाली खेळणार वर्ल्ड कप
भारत सी संघाकडून महिला टी20 चॅलेंजर करंडकात उल्लेखनीय कामगिरी केलेली 15 वर्षांची शेफाली वर्मासुद्धा वर्ल्डकपला निघाली आहे. तिने या स्पर्धेत 156.20 च्या स्ट्राईक रेटने 189 धावा केल्या. या स्पर्धेतील अंतिम सामन्यात तिने 48 चेंडूंमध्ये 89 धावांची तुफानी खेळी केली.
भारतीय संघ : हरमनप्रीत कौर (कर्णधार), स्मृती मानधना, शेफाली वर्मा, जेमिमा रॉड्रीग्ज, हरलीन देओल, वेदा कृष्णमूर्ती, तानिया भाटीया (यष्टीरक्षक), दिप्ती शर्मा, शिखा पांडे, पूजा वस्त्राकर, पूनम यादव, राधा यादव, अरुंधती रेड्डी, राजेश्वरी गायकवाड, रिचा घोष
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.