नवी दिल्ली : भारताची ऑलिम्पिकपटू माना पटेलने (Maana Patel) महिला 100 मीटर बॅकस्ट्रोक प्रकारात सर्वोत्तम भारतीय वेळ नोंदवली. फ्रान्समध्ये झालेल्या कॅनेट लेग मारे नॉस्ट्रम जलतरण स्पर्धेत तिने ही कामगिरी केली. गेल्या वर्षी झालेल्या टोकियो ऑलिम्पिकमध्ये (Tokyo Olympics) खेळणाऱ्या गुजरातच्या (Gujarat) 22 वर्षाच्या मानाने फ्रान्समध्ये 01.03.69 वेळ नोंदवली आहे. ही तिची सर्वोत्तम वैयक्तिक वेळ होती. रविवारी रात्री तिने ही वेळ नोंदवली. विशेष म्हणजे तो स्पर्धेचा शेवटचा दिवस होता.

यापूर्वी भारताकडून महिला 100 मीटर बॅकस्ट्रोक प्रकारात यापूर्वी माना पटेलनेच 01.03.77 इतकी वेळ नोंदवली होती. ही वेळ तिने गेल्या वर्षी बेलग्रेडमध्ये नोंदवली. फ्रान्समधील स्पर्धेत माना बी फायनलमध्ये 15 व्या स्थानावर राहिली. जलतरण स्पर्धेत राष्ट्रीय विक्रम हा ज्यावेळी एखादा खेळाडू राष्ट्रीय अॅक्वेटिक चॅम्पियनशिपमधल्या कामगिरीवर ठरवला जातो. तर दुसऱ्या एखाद्या स्पर्धेत जर विक्रमी वेळ नोंदवली गेली तर ती सर्वोकृष्ट भारतीय वेळ म्हणून संबोधली जाते.