Indian women's hockey : भारतीय महिला हॉकी संघाने न्यूझीलंडचा पराभव करत कांस्यपदक जिंकले. नियमित वेळेत दोन्ही संघांनी प्रत्येकी एक गोल केला. यानंतर भारताने पेनल्टी शूटआऊटमध्ये न्यूझीलंडचा पराभव करत कांस्यपदक जिंकले.

भारतीय महिला हॉकी संघाचा उपांत्यफेरीत ऑस्ट्रेलियाकडून पराभव झाला होता. आज स्पर्धेच्या दहाव्या दिवशी भारत आणि न्यूझीलंड यांच्यामध्ये कांस्य पदकासाठी लढत पार पडली. शूट-आऊट सामन्यात भारताची गोलरक्षक सविताने तीन गोल वाचवले आणि तब्बल १६ वर्षांनंतर भारताला राष्ट्रकुल स्पर्धेतील पदक मिळवून दिले.

भारतीय महिला हॉकी संघ आणि न्यूझीलंड महिला हॉकी संघात आज कांस्यपदाकासाठी सामना रंगला होता. या सामन्यात नाणेफेक जिंकून भारतानं चेंडू स्वत:जवळ ठेवण्याचा निर्णय घेतला. या सामन्यातील पहिल्या क्वार्टरमध्ये दोन्ही संघाला एकही गोल करता आला नाही. दरम्यान, भारत आणि न्यूझीलंडला पेनल्टी कॉर्नर मिळाला. परंतु, तरीही दोन्ही संघाला गोल करता आला नाही.

दुसऱ्या क्वार्टरच्या 14 व्या मिनिटाला भारतानं पहिला गोल केला. सलीमा टेटेनं गोल करून भारताला 1-0 अशी आघाडी मिळवून दिली. तिसऱ्या क्वॉर्टरच्या शेवटच्या क्षणी न्यूझीलंडच्या संघाला पेनल्टी कॉर्नर मिळाला. ज्यात फायदा घेत न्यूझीलंडनं करत सामन्यात 1-1 अशी बरोबरी साधली. मात्र, त्यानंतर पेनल्टी शूटआऊटमध्ये भारतानं न्यूझीलंडचा पराभव करत कांस्यपदकावर कब्जा केला.

भारत आणि न्यूझीलंडचा संघ याआधी 34 वेळा आमनेसामने आला होता, ज्यामधील 23 सामन्यात न्यूझीलंडने विजय मिळवला होता तर भारताने 10 सामने जिंकले होते आणि एक सामना अनिर्णित राहिला होता.