Tokyo Olympics : जागतिक टेनिस क्रमवारीत तिसऱ्या स्थानावर असलेल्या रोमानियाच्या सिमोना हालेपने ऑलिम्पिकमधूनही माघार घेतली आहे. पायाला झालेल्या दुखापतीतून सावरले नसल्याचे सांगत तिने स्पर्धेतून माघार घेतल्याचे स्पष्ट केले. यापूर्वी सिमोना हिने विम्बल्डन स्पर्धेत न खेळण्याचा निर्णय घेतला होता. टोकियो ऑलिम्पिकमधून टेनिस जगतातील मोठी नाव खेळणार नसल्याचे समोर आले होते. यात आता सिमोनाची भर पडली आहे. (Injured Halep pulls out of Tokyo Olympics after Wimbledon withdrawal)

23 वेळा ग्रँडस्लॅम स्पर्धा जिंकलेल्या आणि ऑलिम्पिकमध्ये अमेरिकेकडून लक्षवेधी खेळी करणाऱ्या सेरेना विल्यम्सने यापूर्वी ऑलिम्पिक स्पर्धेत खेळणार नसल्याचे सांगितले होते. पुरुष गटातून स्पॅनिश टेनिस स्टार राफेल नदाल आणि अमेरिकन ओपन चॅम्पियनस डॉमेनिक थिम यांनी 23 जुलैपासून रंगणाऱ्या ऑलिम्पिक स्पर्धेतून माघार घेतली होती.