Punjab Kings Mistakenly buy Shashank Singh IPL 2024 auction News : आयपीएल 2024 चा लिलाव संपला आहे. मंगळवार 19 डिसेंबरला झालेल्या या लिलावानंतर सर्व 10 संघांनी आपल्या ताफ्यात 25-25 खेळाडू घेतले आहेत. पण लिलावामध्ये काल एक मनोरंजन गोष्ट पाहिला मिळाली. पंजाबची मालकीन प्रिती झिंटा एका नावामुळे फसली. आणि या लिलावात चुकीच्या खेळाडूला विकत घेतले.

खरं तर झालं असं की, पंजाब किंग्जच्या टीमला शशांक सिंग नावाच्या 19 वर्षीय क्रिकेटरला आपल्या टीममध्ये घ्यायचं होतं. पण चुकून त्यांनी 32 वर्षीय छत्तीसगडचा क्रिकेटर शशांक सिंगला विकत घेतलं. या चुकीनंतर पंजाबने ही बोली मागे घेण्याची चर्चा केली. पण तसे होऊ शकले नाही आणि छत्तीसगडचा शशांक 20 लाख रुपयांना पंजाबमध्ये सामील झाला.

विशेष म्हणजे 32 वर्षीय शशांक (अनकॅप्ड खेळाडू) जो मूळचा छत्तीसगडचा आहे. आणि यापूर्वी सनरायझर्स हैदराबादमध्ये होता, तो गेल्या लिलावात विकला गेला नाही. पंजाब किंग्जचे मालक वाडिया आणि झिंटा यांनी शशांकची बोली मागे घेणाचा प्रयत्न केला, परंतु लिलावाचे नियमामुळे असे झाले नाही.

शशांकच्या टी-20 रेकॉर्डबद्दल बोलायचे झाले तर, त्याने 55 टी-20 सामन्यांमध्ये 135.83 च्या स्ट्राइक रेटने 724 धावा केल्या आहेत. आणि 15 विकेट्सही घेतल्या आहेत. मात्र, शशांकला पंजाब किंग्जसाठी संधी मिळते की नाही हे पाहणे उत्सुकतेचे ठरेल, पण काहीही झाले तरी चाहते सोशल मीडियावर प्रीती झिंटा आणि पंजाब किंग्जचा आनंद घेत आहेत.