पंजाब : आयपीएलचे संपूर्ण वेळापत्रक अद्याप जाहीर करण्यात आलेले नाही. मात्र, पंजाब किंग्सच्या दोन लढती धरमशाला येथे रंगणार असल्याची चर्चा सुरू आहे. आयपीएलच्या मागील मोसमातही पंजाब किंग्स संघाच्या घरच्या मैदानावरील दोन लढती धरमशाला येथे खेळवण्यात आल्या होत्या. उर्वरित लढती मोहालीतील नव्या स्टेडियममध्ये खेळवण्यात येण्याची शक्यता आहे.

दरम्यान, पंजाब किंग्स व्यवस्थापनाकडून फलंदाजी सल्लागार या पदावरून वासीम जाफर यांना डच्चू देण्यात आला आहे. संजय बांगर यांची संचालक म्हणून निवड करण्यात आली असून फलंदाजी प्रशिक्षकाची जबाबदारीही त्यांनाच सांभाळावी लागणार आहे. मुख्य प्रशिक्षक ट्रेव्हर बेलिस यांचा करारही या मोसमात संपणार आहे. पंजाब किंग्स संघाने प्ले ऑफमध्ये प्रवेश केल्यास त्यांचा करार वाढवण्यात येऊ शकतो.