आयपीएलच्या १६ व्या सीझनमध्ये 28 वा सामना पाहण्यासाठी दिल्ली कॅपिटल्स आणि कोलकाता नाईट रायडर्स यांच्यात खेळला गेला. मात्र, चर्चा सुरु आहे ती म्हणजे अॅपलचे सीईओ टीम कुक यांची. भारतातील क्रिकेट पाहून टीम कुक भारावले. क्रिकेटचं किती महत्त्व आहे हे मला आत्ता कळलं. अशी प्रतिक्रिया त्यांनी यावेळी व्यक्त केली. (Apple CEO Tim Cook In Attendance At DC-KKR IPL 2023 Game )

दोन्ही संघामधील सामना अरुण जेटली स्टेडियमवर खेळवण्यात आला. यावेळी, अॅपलचे सीईओ टिम कुक बॉलीवूड अभिनेत्री सोनम कपूर आणि तिचा पती आनंद आहुजा यांच्यासोबत दिल्लीत आयपीएल मॅच पाहताना दिसले. भारतातील दुसऱ्या अॅपल स्टोअरचे उद्घाटन केल्यानंतर, टीम कुक IPL सामन्याचा आनंद घेताना दिसले.

यावेळी त्यांनी माध्यमांशी संवाद साधला, 'यापूर्वी कधीही मी असं वातावरण पाहिल नाही. क्रिकेटचं किती महत्त्व आहे हे मला आत्ता कळलं' अशी प्रतिक्रिया टीम कुक यांनी व्यक्त केली.

यापूर्वी त्यांनी २०१६ मध्ये भारताला भेट देण्यासाठी आले होते त्यावेळेस अभिनेत संजय दत्तसोबत आयपीएल एन्जॉय केली होती. टीम कूक यांनी ग्रीन पार्क स्‍टेडियमवर पहिल्यांदा आयपीएलचा सामना एन्जॉय केला.

कोलकाता नाईट रायडर्सचे 128 धावांचे माफक आव्हान पार करताना देखील दिल्लीची हवा टाईट झाली होती. केकेआरने दिल्लीचे 6 फलंदाज बाद करत सामना शेवटच्या षटकापर्यंत नेला. अखेर अक्षर पटेलने शेवटच्या षटकापर्यंत किल्ला लढवत दिल्लीला विजय मिळवून दिला.