Hardik Pandya Fined For Slow Over Rate : आयपीएल 2024 मधील 48 वा सामना लखनौ सुपर जायंट्स आणि मुंबई इंडियन्स यांच्यात खेळला गेला. आणि लखनौने हा सामना 4 विकेटने जिंकला.
या सामन्यातील पराभवानंतर मुंबई इंडियन्सच्या अडचणी वाढल्या आहेत. या संघाला आता प्ले ऑफमधून बाहेर पडण्याचा धोका आहे. सामना गमावल्यानंतर कर्णधार हार्दिक पांड्यासह मुंबई संघांवर बीसीसीआयने मोठी ॲक्शन घेतली आहे. आणि आता पांड्यावर एका सामन्यावर बंदी घातली जाण्याचा धोका आहे.
बीसीसीआयने हार्दिकला दंड ठोठावला
या सामन्यात प्रथम फलंदाजी करताना मुंबई इंडियन्स संघ 20 षटकात 7 गडी गमावून 144 धावाच करू शकला. त्यानंतर लखनौने हे सोपे लक्ष्य 19.2 षटकांत 6 गडी गमावून पूर्ण केले. या सामन्यात मुंबई इंडियन्स संघ स्लो ओव्हर रेटसाठी दोषी आढळला होता. यानंतर बीसीसीआयने संघाचा कर्णधार हार्दिक पांड्याला 24 लाखांचा दंड ठोठावला आहे.
याआधी एकदा मुंबईचा संघ स्लो ओव्हर रेटसाठी दोषी आढळला होता. आता दुसऱ्यांदा हार्दिकला दंड ठोठावण्यात आला आहे. मुंबई पुन्हा तिसऱ्यांदा दोषी आढळल्यास कर्णधार हार्दिक पांड्यावर एका सामन्याची बंदी घातली जाऊ शकते.
लखनौ सुपर जायंट्सविरुद्ध स्लो ओव्हर रेटसाठी मुंबई इंडियन्स दोषी आढळल्यानंतर केवळ हार्दिक पांड्याच नाही तर संपूर्ण संघातील खेळाडूंना शिक्षा झाली आहे. हार्दिक व्यतिरिक्त संघातील इतर खेळाडूंना 25-25 टक्के मॅच फीचा दंड ठोठावण्यात आला आहे.
आयपीएल 2024 मध्ये मुंबई इंडियन्सची कामगिरी अत्यंत खराब राहिली आहे. त्यामुळे संघाचा नवा कर्णधार हार्दिक पांड्याच्या कर्णधारपदावर प्रश्न उपस्थित होत आहेत. या हंगामात आतापर्यंत मुंबई संघाने 10 सामने खेळले आहेत, ज्यामध्ये संघाने 7 हरले असून 3 सामने जिंकले आहेत. आता मुंबईला प्लेऑफमध्ये स्थान मिळवणे खूप कठीण जाणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.