आयपीएल १५ व्या सीझनमध्ये नव्याने पदार्पण केलेल्या गुजरात टायटन्स संघाने आयपीएल चॅम्पियन ट्रॉफीवर स्वतःचे नाव कोरले. गुजरात टायटन्सने राजस्थान रॉयल्सचा 7 गडी राखून विजय मिळवत आपले पहिले वहिले आयपीएल विजेतेपद पटकावले. या विजयानंतर हार्दिक पांड्याने प्रतिक्रीया व्यक्त केली आहे. मी इतकी मेहनत का केली हे मला दाखवायचे होते आणि तो हा दिवस आहे. अशी प्रतिक्रिया पांड्याने यावेळी व्यक्त केली.

या मोसमात 7.75 च्या सरासरीने 8 विकेट घेणारा पांड्या म्हणाला, 'मी कशासाठी खूप मेहनत केली हे मला दाखवायचे होते. आज तो दिवस माझ्या गोलंदाजीचा होता. या मोठ्या दिवसासाठी मी माझे सर्वोत्तम राखून ठेवलं होत.''

तसेच, संजू आऊट झाल्यावर मी दुसरा बॉल टाकला, मला समजले की तू अवघड लेन्थ टाकू शकतोस.

हार्दिक हा या हंगामात गुजरात टायटन्सचा सर्वात यशस्वी फलंदाज ठरला. मोसमात 44.27 च्या सरासरीने 487 धावा करणारा हार्दिक या मोसमात नव्या भूमिकेत दिसला. भारतीय संघ आणि मुंबई इंडियन्ससाठी फिनिशरची भूमिका बजावणाऱ्या हार्दिकने मोसमातील बहुतांश प्रसंगी गुजरातसाठी चौथ्या क्रमांकावर फलंदाजी केली.

तुमचा स्ट्राइक रेट 160-170 आहे असे विचारल्यावर तो म्हणाला, 'या ट्रॉफीसाठी मी कोणत्याही दिवशी 160-170 स्ट्राइक रेट सोडू शकतो. संघ सर्वात महत्वाचा आहे. मी कोणत्याही संघासाठी खेळतो. माझ्यावर होणाऱ्या टीकेकडे मी कधी लक्ष देत नाही. जरी हंगाम माझ्यासाठी सर्वात वाईट निघाला आणि संघ जिंकला तरीही मी ते आनंदाने स्वीकारेन.

पांड्या म्हणाला, “मी आणि आशू पा म्हणजेच आशिष नेहरा सहमत झालो की आम्हाला नेहमीच पाच गोलंदाज खेळवायचे आहेत. जे बहुतेक प्रसंगी आमच्यासाठी सामने जिंकू शकतात. मी टी-20 क्रिकेटमध्ये अनेकदा पाहिले आहे की हा फलंदाजांचा खेळ आहे, पण गोलंदाज तुम्हाला सामने जिंकायला लावतात. अशी प्रतिक्रिया पांड्याने विजयानंतर व्यक्त केली.