CSK vs SRH IPL 2023 Live : चेन्नई सुपर किंग्जने सनराईजर्स हैदराबादचा 7 विकेट्स आणि 8 चेंडू राखून पराभव करत 8 गुण मिळवले. हैदराबादने विजयासाठी ठेवलेले 135 धावांचे आव्हान सीएसकेने 19 व्या षटकात 3 फलंदाजांच्या मोबदल्यात पार केले. चेन्नईकडून डेवॉन कॉन्वेने 57 चेंडूत नाबाद 77 धावा केल्या. त्याला ऋतुराज गायकवाडने 35 धावा करून चांगली साथ दिली. या दोघांनी 87 धावांची दमदार सलामी दिली.

तत्पूर्वी, सनराईजर्स हैदराबादने 20 षटकात 7 बाद 134 धावाच करत चेन्नईसमोर विजयासाठी 135 धावांचे माफक आव्हान ठेवले आहे. चेन्नईकडून रविंद्र जडेजाने भेदक मारा करत 4 षटकात 22 धावा देत 3 बळी घेतले. हैदराबादकडून अभिषेक शर्माने सर्वाधिक 34 धावा केल्या.

सनराईजर्स हैदराबादचे 135 धावांचे आव्हान घेऊन मैदानात उरतलेल्या सीएसकेने दमदार सुरूवात केली. सलामीवीर डेवॉन कॉन्वे आणि ऋतुराज गायकवाड यांनी पॉवर प्लेमध्ये आक्रमक सुरूवात केली. कॉन्वोने आक्रमक तर ऋतुराज त्याला साथ देत होता. दोघांनी पहिल्या विकेटसाठी 87 धावांची भागीदारी रचली.

त्यानंतर ऋतुराज गायकवाड 35 धावांवर धावबाद झाला. त्यानंतर आलेला अजिंक्य रहाणे देखील 10 चेंडूत 9 धावा करून माघारी फिरला.

सनराईजर्स हैदराबादने 20 षटकात 7 बाद 134 धावाच करत चेन्नईसमोर विजयासाठी 135 धावांचे माफक आव्हान ठेवले आहे. चेन्नईकडून रविंद्र जडेजाने भेदक मारा करत 4 षटकात 22 धावा देत 3 बळी घेतले.

रविंद्र जडेजाने अभिषेक शर्माला बाद केल्यातनंतर 21 धावा करणाऱ्या राहुल त्रिपाठी आणि मयांक अग्रवाल यांना देखील बाद करत हैदराबादची अवस्था 5 बाद 97 धावा अशी केली.

प्रथम फलंदाजी करणाऱ्या सनराईजर्स हैदराबादने पॉवर प्लेमध्ये चांगली सुरूवात करण्याचा प्रयत्न केला. मात्र आकाश सिंहने हॅरी ब्रुकला 18 धावांवर बाद करत पहिला धक्का दिला. त्यानंतर राहुल त्रिपाठी आणि अभिषेक शर्मा यांनी हैदराबादला 10 षटकात 71 धावांपर्यंत पोहचवले. मात्र रविंद्र जडेजाने अभिषेक शर्माला 34 धावांवर बाद करत हैदराबादला दुसरा धक्का दिला.

चेन्नई सुपर किंग्जने नाणेफेक जिंकून प्रथम गोलंदाजी करण्याचा निर्णय घेतला आहे.