Cheteshwar Pujara WTC Final : रोहित शर्माच्या नेतृत्वाखाली टीम इंडियाला सात जूनपासून वर्ल्ड टेस्ट चॅम्पियनशिपच्या अंतिम फेरीत ऑस्ट्रेलियाचा सामना करायचा आहे. हा सामना इंग्लंडच्या स्विंग खेळपट्टीवर होणार आहे. येथे फलंदाजी करणे सोपे नाही. संघ 10 वर्षांपासून आयसीसी ट्रॉफीची वाट पाहत आहे. अशा स्थितीत रोहित, प्रशिक्षक राहुल द्रविड आणि बीसीसीआयला तयारीत कोणतेही कसर सोडायची नाही.
दरम्यान, भारतीय कसोटी खेळाडू चेतेश्वर पुजाराने इंग्लंडमध्ये बॅटने खळबळ उडवून दिली आहे. यामुळे कांगारू संघाची चिंता वाढली आहे. पुजाराने 2022 पासून ससेक्स संघाकडून खेळताना 8 शतके झळकावली आहेत. त्यात 3 द्विशतकांचाही समावेश आहे. पुजाराला कसोटी संघाचा नवा उपकर्णधार बनवले जाऊ शकते.
इंग्लिश कौंटी संघ ससेक्सचा कर्णधार असलेल्या चेतेश्वर पुजाराने लीसेस्टरशायरविरुद्ध पहिल्या डावात 77 धावांची उत्कृष्ट खेळी खेळली. संघाकडून खेळताना पुजाराला प्रथमच 50 हून अधिक धावा केल्यानंतर 100 धावांचा आकडाही गाठता आला नाही. ऑस्ट्रेलियाचा अनुभवी फलंदाज स्टीव्ह स्मिथही ससेक्सकडून खेळत आहे. पहिल्या डावात तो फारसा प्रभाव सोडू शकला नाही. त्याला केवळ 3 धावा करता आल्या.
पहिल्या डावात ससेक्सच्या 430 धावांच्या प्रत्युत्तरात लीसेस्टरशायरचा संघ केवळ 270 धावा करू शकला. तिसऱ्या दिवसाचा खेळ संपला तेव्हा फॉलोऑननंतर लेस्टरशायरने दुसऱ्या डावात एकही विकेट न गमावता 16 धावा केल्या होत्या. सामन्यात एक दिवसाचा खेळ शिल्लक आहे. अशा ससेक्सची नजर विजयावर असेल. त्यांच्याकडे अजूनही 144 धावांची आघाडी आहे.
चेतेश्वर पुजाराने ससेक्ससाठी 8 शतके झळकावली आहेत. त्यात 231 धावांच्या सर्वोत्तम खेळीचाही समावेश आहे. याशिवाय त्याने 203 आणि नाबाद 201 धावा केल्या आहेत. त्याची सरासरी 90 च्या आसपास आहे. संघ व्यवस्थापनाची नजर त्याच्या कामगिरीवर आहे, कारण इतर सर्व भारतीय खेळाडू सध्या टी-20 लीग आयपीएलमध्ये खेळत आहेत. यानंतर ते थेट फायनल खेळायला जातील. म्हणजेच त्यांना लाल चेंडूने सरावाची फारशी संधी मिळणार नाही.
चेतेश्वर पुजाराचा प्रथम श्रेणीतील विक्रम उत्कृष्ट आहे. लीसेस्टरशायरविरुद्धच्या सामन्यापूर्वी त्याने 249 सामन्यांच्या 411 डावांमध्ये 52 च्या सरासरीने 19126 धावा केल्या होत्या. यामध्ये 59 शतके आणि 75 अर्धशतकांचा समावेश आहे. यादरम्यान त्याने 352 धावांची मोठी खेळीही खेळली आहे.
टीम इंडियाकडून त्याने आतापर्यंत 102 कसोटीत 7154 धावा केल्या आहेत. त्याने 19 शतके आणि 35 अर्धशतके केली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.