IPL 2023 : आयपीएलमध्ये अनेक वाद झाले आहेत आणि त्यापैकी एक म्हणजे हरभजन सिंग आणि श्रीशांत यांच्यातील कानाखाली मारण्याची घटना. आयपीएलच्या पहिल्याच हंगामात मुंबई इंडियन्सकडून खेळणाऱ्या हरभजन सिंगने पंजाबचा वेगवान गोलंदाज श्रीशांतला कानाखाली मारली होती.

या भांडणामुळे हरभजन सिंगला मोठे नुकसान सहन करावे लागले आणि नंतर त्याने श्रीशांतची माफीही मागितली. मात्र आता पुन्हा एकदा या दोन खेळाडूंमध्ये हाणामारी झाली आहे. त्याचा व्हिडिओ ऋषभ पंतने शेअर केला.

अरे काळजी करू नका ही भांडण प्रत्यक्षात घडलेली नाही, दोन्ही खेळाडू एका अॅड शूटमध्ये एकमेकांशी भिडले. लिफ्टमध्ये श्रीशांत आणि हरभजन सिंग एका शब्दावरून एकमेकांमध्ये अडकले आणि यादरम्यान एक मुलगीही तिथे उभी असलेली दिसत आहे. ऋषभ पंतने हरभजन सिंग आणि श्रीशांतच्या 'फाईट'चा व्हिडिओ शेअर केला आहे. यात पंतने भज्जी आणि पंत पुन्हा भांडले, असे कॅप्शन लिहिले आहे.

चांगली गोष्ट म्हणजे जाहिरात शूटमध्येच हे घडले आहे. खऱ्या आयुष्यात दोघे खूप चांगले मित्र आहेत. अलीकडेच आयपीएलच्या कॉमेंट्रीदरम्यान वीरेंद्र सेहवागने भज्जी आणि श्रीसंतसमोर त्या घटनेचा उल्लेख केला होता. श्रीशांत आणि हरभजन सिंग सध्या आयपीएल 2023 ची कॉमेंट्री एकत्र करत आहेत.