IPL 2022: आयपीएलच्या 40 व्या सामन्यात गुजरात टायटन्सने (Gujarat Titans) आणि सनरायझर्स हैदराबाद (Sunrisers Hyderabad) यांच्यात सामना झाला. हैदराबाद विरुद्धच्या सामन्यात डावाच्या शेवटच्या चेंडूवर टायटन्सने रोमहर्षक असा विजय नोंदवला. गुजरातने आता या विजयासह गुणतालिकेत 8 सामन्यात 7 विजयांसह पहिल्या स्थानावर आहे. तर हैदराबाद 5 विजयांसह तिसऱ्या स्थानावर आहे. गुजरातचा कर्णधार हार्दिक पंड्याने (hardik pandya) सामना संपल्यानंतर एक विधान केले आहे. सलग विजय मिळवूनही तो एका भीती आहे. (Hardik Pandya IPL 2022 News)

हार्दिक पंड्या म्हणाला मला भीती वाटत आहे की आयपीएल 2022 च्या अंतिम टप्प्यात संघाचे नशीब संपेल तर... कालच्या सामन्यांच्या वेळी गुजरात टायटन्सने हैदराबादवर शेवटच्या चेंडूवर विजय मिळवला. 196 धावांचा पाठलाग करताना गुजरात टायटन्सने 16 षटकांत 5 बाद 140 धावा केल्या होत्या. पण राहुल तेवतिया (40) आणि रशीद खान (31) यांनी गुजरातला सामन्याच्या शेवटच्या चेंडूवर विजय मिळवून दिला. गुजरात टायटन्स आयपीएल 2022 मध्ये प्लेऑफच्या जवळ जात आहे. हार्दिक पंड्याने विनोद केला की बाद फेरीच्या सामन्यांबद्दल चिंतित आहे. स्टार स्पोर्ट्सशी बोलताना हार्दिक म्हणाला, मी ड्रेसिंग रूममध्ये विनोद करतो की देव आम्हाला सांगत आहे. तुम्ही चांगले आहात. मी तुमची मदत करेन. हे अनेकदा घडत आहे, परंतु मला भीती वाटते की आमचे बाद फेरीत नशीब खराब असू शकते.

गुजरात टायटन्सने आतापर्यंतच्या पहिल्या सत्रात चांगली कामगिरी करत आहे. संघ व्यवस्थापनाने ड्रेसिंग रूममधील वातावरण खेळत ठेवले आहे. सर्व खेळाडूंना चांगला पाठिंबा मिळावा यासाठी आम्ही सर्वतोपरी प्रयत्न करत असतो. असं हार्दिक पांड्या म्हणाला. हार्दिक पांड्याला हैदराबादविरुद्ध गोलंदाजी केली नाही विचारण्यात आलं. त्यावर उत्तर देताना म्हणाला की, परिस्थितीनुसार तो गोलंदाजी करण्याचा निर्णय घेतो. जेव्हा जेव्हा संघाला माझी गरज असते तेव्हा मी गोलंदाजी करण्याचा विचार करेल. ही एक लांबलचक स्पर्धा आहे.