दिल्लीच्या 112 धावा झाल्या असताना मिशेल मार्श धावबाद झाला. त्यानंतर जॉश हजलवूडने रोव्हमन पॉवेलला भोपळाही न फोडता माघारी धाडले.

आरसीबीचा फिरकीपटू वानिंदू हसरंगाने दिल्ली कॅपिटल्सचा सलामीवीर डेव्हिड वॉर्नरला बाद केले. डेव्हिड वॉर्नरने 38 चेंडूत 66 धावांची आक्रमक खेळी केली.

ग्लेन मॅक्सवेल बाद झाल्यानंतर दिनेश कार्तिकने आरसीबीच्या डावाची सूत्रे आपल्या हातात घेतली. त्याने 24 चेंडूत अर्धशतक ठोकत आरसीबीला 150 पार पोहचवले.

ड्युप्लेसिस आणि रावत स्वस्तात माघारी गेल्यानंतर विराट कोहली आणि ग्लेन मॅक्सवेल यांनी डाव सावरण्याचा प्रयत्न केला. मात्र ललित यादवच्या थेट फेकीमुळे विराट कोहली 12 धावांवर धावबाद झाला.

खलील अहमदने आरसीबीला मोठा धक्का दिला. त्याने कर्णधार फाफ ड्युप्लेसिसला 8 धावांवर बाद करत दुसरा धक्का दिला.

रॉयल चॅलेंजर बेंगलोरसाठी मोठा दिलासा मिळाला आहे. हर्षल पटेल संघात परतला आहे. त्यामुळे आरसीबीची बॉलिंग तगडी झाली आहे. दिल्लीने आपल्या संघात एक बदल केला असून सर्फराज खानच्या जागी मिशेल मार्श संघात आला आहे.

दिल्ली कॅपिटल्सचा कर्णधार ऋषभ पंतने नाणेफेक जिंकून प्रथम गोलंदाजी करण्याचा निर्णय घेतला.

मुंबई : रॉयल चॅलेंजरने दिल्ली कॅपिटल्सचा 16 धावांनी पराभव करत गुणतालिकेत मोठी उडी मारली. बेंगलोरने 8 गुण मिळवत गुणतालिकेत तिसऱ्या स्थानी झेप घेतली. बेंगलोरकडून हेजलवूडने 3 तर मोहम्मद सिराजने 2 विकेट घेतल्या. बॅटिंगमध्ये दिनेश कार्तिकने 66 धावांची तर ग्लेन मॅक्सवेलने 55 धावांची खेळी केली.