आयपीएल १५ व्या सीझनमध्ये नव्याने पदार्पण केलेल्या गुजराज टायटन्स संघाने आयपीएल चॅम्पियन ट्रॉफीवर स्वतःचे नाव कोरले. गुजरात टायटन्सने राजस्थान रॉयल्सचा 7 गडी राखून विजय मिळवत आपले पहिले वहिले आयपीएल विजेतेपद पटकावले. मात्र, या विजयानंतर क्रिकेट जगतात २०११ मध्ये झालले वर्ल्डकपची चर्चादेखील रंगली आहे. दोन्ही सामन्यात अनेक गोष्टींमध्ये साम्य पाहायला मिळालं.

7 नंबर जर्सीने ठोकला षटकार अन् जिंकली मॅच जिंकली

गुजरातच्या विजयात शुभमन गिलने मोलाचा वाटा उचलला. त्याने षटकार ठोकत आयपीएल चॅम्पियन ट्रॉफीवर संघाचे नाव कोरले. त्याने १९ व्या षटकाच्या पहिल्या चेंडूवर वेगवान गोलंदाज ओबेद मॅकॉय विरुद्ध षटकार ठोकला. त्याची खेळी पाहताच वर्ल्डकप २०११ ची आठवण झाली.

कारण ७ नंबर जर्सी परिधान करणारा कर्णधार महेंद्र सिंह धोनीने वेगवान गोलंदाज नुवान कुलसेकराच्या चेंडूवर षटकार ठोकला होता. आणि वर्ल्डकप २०११ वर टीम इंडियाचे नाव कोरलं.

शुभमन गिलच्या जर्सीचा नंबरदेखील ७ आहे. दोघांनीही षटकार ठोकत मॅच खिशात घातली.

गॅरी क्रस्टन आणि नेहरा दोघे संघाचा महत्त्वाचा भाग

२०११ वर्ल्डकप दरम्यान टीम इंडियाचे मुख्य कोच दक्षिण अफ्रिकाचे गॅरी क्रस्टन होते. आणि आशीष नेहरा टीमचे भाग होता. सेमीफायनलमध्ये पाकिस्तानविरुद्ध जायबंदी झाल्याने नेहरा फायनल खेळू शकला नव्हता. त्यावेळी दोघांनी विजयाचा जल्लोष साजरा केला होता.

तर आयपीएल १५ सीझनमध्ये दोघेही आयपीएल चॅम्पीयन गुजरात संघाचे महत्त्वाचे भाग आहेत. आशीष नेहरा हा संघाचा मुख्य कोच आहे तर क्रस्टन टीमचा मेंटॉर आहे.

संगकारा आणि मलिंगा, श्रीलंकेचा २०११ मध्ये पराभव

२०११ मध्ये टीम इंडियाने श्रीलंकेचा पराभव केला होता. त्यावेळी कुमार संगकारा संघाचा कर्णधार होता. लसिथ मलिंगा संघाचे प्रमुख वेगवान गोलंदाज होते.

आयपीएल १५ सीझनमध्ये दोघे राजस्थान रॉयल्स संघासोबत होते. संगकारा टीमचा डायरेक्टर ऑफ क्रिकेट आहे. तर मलिंगा गोलंदाजीचा कोच आहे. आयपीएलमध्ये सर्वात यशस्वी गोलंदाजांच्या यादीत मलिंगाचा समावेश आहे. त्यामुळं राजस्थानने त्याची यंदाच्यावर्षी गोलंदाजी कोच म्हणून नियुक्त केलं होत.