IPL 2022 : आयपीएलच्या इतिहासात चेन्नई सुपर किंग्जची अवस्था सध्याच्या हंगामाइतकी वाईट कधीच झालेली नव्हती. चार वेळची चॅम्पियन सीएसकेने सलग पहिले चार सामने हारले आहेत. ना फलंदाज गतविजेत्याप्रमाणे खेळत आहे. ना गोलंदाजीत ती धार दिसत आहे. अशा स्थितीत चेन्नई सुपर किंग्जला काही नवे प्रयोग करताना बघायला नक्कीच आवडेल. अशी कल्पना पार्थिव पटेलनी मांडली आहे.(IPL 2022 MS Dhoni Update)

चेन्नई सुपर किंग्जचा माजी स्टार यष्टीरक्षक फलंदाज पार्थिववर विश्वास ठेवायचा असेल तर महेंद्रसिंग धोनीने सलामी दिली पाहिजे. क्रिकबज बरोबर बोलतं असताना पटेल म्हणाला, चेन्नईचा माजी कर्णधार धोनीने डावाची सुरुवात करायला हवी. जर तो 14-15 षटके मैदानात खेळत राहिला तर तुम्हाला स्कोअरबोर्डमध्ये फरक दिसेल. धोनी असा खेळाडू आहे ज्याने CSK ला वर्षानुवर्षे जिवंत ठेवले आहे.

महेंद्रसिंग धोनीने त्याच्या क्रिकेट कारकिर्दीला सलामीवीर म्हणून सुरुवात केली होती. कारकिर्दीच्या शेवटी ही भूमिका घ्यायला हवी. तो सध्या 7व्या क्रमांकावर फलंदाजी करतो. मग धोनी नंबर 3 किंवा ओपनिंगवर उतरायला काही हरकत नाही. माहीने चेन्नई सुपर किंग्जसाठी तिसऱ्या क्रमांकावर फलंदाजी करताना सात डावात एक अर्धशतकासह 188 धावा केल्या आहेत. धोनी 2011 मध्ये तीन क्रमांकावर शेवटची फलंदाजी करताना दिसला होता.