पुणे : लखनौ सुपर जायंटने पंजाब किंग्जचा 20 धावांनी पराभव करत गुणतालिकेत तिसऱ्या स्थानावर झेप घेतली. लखनौ सुपर जांयटने पंजाब किंग्ज समोर 154 धावांचे आव्हान ठेवले होते. मात्र पंजाबला 133 धावांपर्यंतच मजल मारता आली. पंजाबकडून बेअरस्टोने सर्वाधिक 32 धावा केल्या. लखनौ सुपर जायंटकडून मोहसीन खानने 3 तर क्रुणाल पांड्या 2 दुष्मंथा चमीराने 2 विकेट घेतल्या. लखनौ सुपर जायंटकडून क्विंटन डिकॉकने सर्वाधिक 46 धावा केल्या.
एका बाजूने सर्व फलंदाज फज्जाला पाय लावून परतत असताना जॉने बेअरस्टो कडवी झुंज देत होता. मात्र चमिराने त्याची ही 32 धावांची खेळी संपवली.
आक्रमक शैलीचा फलंदाज लिम लिव्हिंगस्टोन जॉनी बेअरस्टोबरोबर भागीदारी रचत होता. ही भागीदारी 30 धावांपर्यंत पोहचली होती. मात्र मोहसीन खानने 16 चेंडूत 18 धावा करणाऱ्या लिव्हिंगस्टोनला बाद करत ही भागीदारी तोडली.
पंजाबला क्रुणाल पांड्याने तिसरा धक्का दिला. त्याने भानुका राजपक्षाला 9 धावांवर बाद केले.
पंजाबचा सलामीवीर शिखर धवन आज संथ फलंदाजी करत होता. अखेर ही 15 चेंडूत 5 धावांची खेळी रवी बिश्नोईने संपवली.
दुष्मंता चमिराने पंजाब किंग्जला पहिला धक्का दिला. त्याने 25 धावा करणाऱ्या मयांक अग्रवालला बाद केले.
कसिगो रबाडाने 4 तर राहुल चहरने 2 विकेट घेत लखनौच्या फलंदाजीला खिंडार पाडले. या दोघांच्या भेदक माऱ्यासमोर लखनौला 20 षटकात 8 बाद 153 धावांपर्यंतच मजल मराता आली.
लखनौची एका बाजूने पडझड होत असताना मार्कस स्टॉयनिस डाव सावरेल असे वाटत होते. मात्र राहुल चहरने त्याला अवघ्या 1 धावेवर बाद करत लखनौला चांगलेच अडचणीत आणले.
कसिगो रबाडाने लखनौ सुपर जायंटच्या फलंदाजीला सुरूंग लावला. त्याने क्रुणाल पांड्याला 7 तर आयुष बदोनीला 4 धावांवर बाद केले.
जॉनी बेअरस्टोने 28 चेंडूत 34 धावा करणाऱ्या दीपक हुड्डाला धावबाद करत तिसरा धक्का दिला.
संदीप शर्माने 46 धावा करणाऱ्या क्विंटन डिकॉकला बाद करत लखनौला दुसरा धक्का दिला. त्याने हुड्डा - डिकॉकची 85 धावांची भागीदारी करणारी जोडी फोडली.
राहुल बाद झाल्यानंतर क्विंटन डिकॉक आणि दीपक हुड्डाने दुसऱ्या विकेटसाठी भागीदारी रचण्यास सुरूवात केली.
कसिगो रबाडाने लखनौ सुपर जायंटचा कर्णधार केएल राहुलला 6 धावांवर बाद करत पहिला धक्का दिला.
पंजाब किंग्जचा कर्णधार मयांक अग्रवालने नाणेफेक जिंकून प्रथम गोलंदाजी करण्याचा निर्णय घेतला आहे. पंजाबने आपल्या सामन्यात कोणताही बदल केलेला नाही. तर लखनौने आपल्या संघात एक बदल केला आहे. मनिष पांडेच्या जागी आवेश खानला संघात स्थान देण्यात आले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.