मुंबई : मुंबई : दिल्ली कॅपिटल्सने (Delhi Capitals) मिशेल मार्शच्या (Mitchell Marsh) 89 आणि डेव्हिड वॉर्नरच्या (David Warner) नाबाद 52 धावांच्या जोरावर राजस्थान रॉयल्सचे (Rajasthan Royals) 160 धावांचे आव्हान 18.1 षटकात पार केले. दिल्लीने मस्ट विन सामन्यात विजय मिळवत प्ले ऑफच्या आशा जीवंत ठेवल्या. राजस्थानकडून फक्त ट्रेंट बोल्ट आणि युझवेंद्र चहलला प्रत्येकी एक विकेट घेता आली. राजस्थानकडून बॅटिंगमध्ये तिसऱ्या क्रमांकावर फलंदाजीला आलेल्या आर. अश्विनने अर्धशतकी खेळी केली. तर त्याला साथ देणाऱ्या देवदत्त पडिक्कलने देखील 48 धावांची झुंजार खेळी केली.

अखेर युझवेंद्र चहलने दिल्लीच्या 62 चेंडूत 89 धावा करणाऱ्या मिशेल मार्शला बाद करत दिलासा दिला. त्याने डेव्हिड वॉर्नर आणि मिशेल मार्श यांची 144 धावांची भागीदारी संपवली.

मिशेल मार्शने दमदार अर्धशतक ठोकत आपला ऑस्ट्रेलियन पार्टनर डेव्हिड वॉर्नरबरोबर दुसऱ्या विकेटसाठी नाबाद शतकी भागीदारी रचली.

राजस्थान रॉयल्सने विजयासाठी ठेवलेले 160 धावांचे आव्हान पार करण्यासाठी मैदानात उतरलेल्या दिल्लाला ट्रेंट बोल्टने पहिल्याच षटकात धक्का दिला. त्याने श्रीकार भारतला शुन्यावर बाद केले.

नॉर्त्जेने देवदत्त पडिक्कला 48 धावांवर बाद केले. त्यामुळे पडिक्कलचे अर्धशतक हुकले.

तिसऱ्या क्रमांकावर बढती मिळालेल्या आर. अश्विनने तिसऱ्या विकेटसाठी देवदत्त पडिक्कल सोबत 53 धावांची भागीदारी रचली. मात्र 38 चेंडूत 50 धावा करून आर. अश्विन बाद झाला.

मिशेल मार्शने 19 चेंडूत 19 धावा करणाऱ्या राजस्थानचा सलामीवीर यशस्वी जैसवालला बाद करत दुसरा धक्का दिला.

चेतन साकरियाने राजस्थानला मोठा धक्का दिला. त्याने जॉस बटलरला 7 धावांवर बाद करत दिल्लीला पहिले यश मिळवून दिले.

दिल्लीने आजच्या सामन्यासाठी दोन बदल केले आहेत. रिपल पटेलच्या जागी ललित यादव आणि खलील अहमदच्या जागी चेनत साकरिया यांना संधी देण्यात आली आहे. तर राजस्थानने आपल्या संघात एक बदल केला आहे. हेटमायरच्या अनुपस्थितीत रॅसी वॅन डेर ड्युसेन त्याची जागा घेईल.

दिल्ली कॅपिटल्सने नाणेफेक जिंकून प्रथम गोलंदाजी करण्याचा निर्णय घेतला आहे.