आयपीएलच्या आगामी हंगामात भारताचा अनुभवी सलामीवीर कर्णधारपदाच्या भूमिकेत दिसू शकतो. आयपीएल फ्रँचायझी पंजाब किंग्ज संघानं (Indian Premier League franchise Punjab Kings) मेगा लिलावात शिखर धवनला 8.25 कोटी मोजून आपल्या ताफ्यात सामील करुन घेतलं होते. हो धवन आमच्यात आला. त्याला संघात घेण्यासाठी आम्ही सुरुवातीपासून प्रयत्नशील होतो, अशा शब्दांत PBKS च्या मालकीण प्रिती झिंटा (Preity Zinta) हिने धवनच वेलकम केले आहे. (IPL 2022 Shikhar Dhawan Set to be Named Punjab Kings Captain Report)

गत हंगामा लोकेश राहुल (KL Rahul) पंजाब किंग्ज संघाचे नेतृत्व करताना दिसला होता. मात्र या हंगामानंतर त्याने संघ सोडण्याचा निर्णय घेतला. त्याच्यानंतर पंजाबचा पुढचा कर्णधार कोण अशी चर्चा रंगली होती. पंजाबने मयांक अग्रवालला 12 कोटी मोजून रिटेन केलं आहे. लोकेश राहुलच्या अनुपस्थितीत त्याने अनेक सामन्यात कर्णधारपदाची धूराही सांभाळली आहे. पण अनुभवाच्या जोरावर 8 कोटीचा धवन 12 कोटीच्या गड्यावर भारी पडणार असल्याचे दिसते. प्रसारमाध्यमातील वृत्तानुसार, शिखर धवनला कर्णधार करायचं हे पंजाबनं पक्क ठरवलं आहे. आता त्याची केवळ औपचारिकता बाकी आहे. होणार

शिखर धवन याने (Shikhar Dhawan) दिल्ली कॅपिटल्सकडून दमदार कामगिरी केली होती. 2019 मध्ये तो दिल्ली कॅपिटल्सच्या ताफ्यात जॉईन झाला. दिल्लीकडून खेळताना तिन्ही हंगामात त्याने 500 हून अधिक धावा केल्या आहेत. धवनने दिल्लीकडून खेळलेल्या मागील तीन हंगामात 1726 धावा कुटल्या आहेत.

PBKS संघाने धवनशिवाय इंग्लंड ऑल राउंडर लायम लिविंगस्टोन (Liam Livingstone) याच्यासाठी 11.5 कोटी मोजले. तो यंदाच्या लिलावातील सर्वात महागडा परदेशी खेळाडू ठरला. याशिवाय कागिसो रबाडा (Kagiso Rabada), जॉनी बेयरस्टो (Jonny Bairstow), शाहरुख खान (Shahrukh Khan), राहुल चहर (Rahul Chahar) या मंडळींना पंजाबने आपल्या ताफ्यात घेतले.