आयपीएल 16 वा सीझन सुरु आहे. दरम्यान, दिल्ली कॅपिटल्सला मोठा धक्का बसला आहे. संघाचा युवा गोलंदाज कमलेश नागरकोटी सीजनमधून बाहेर पडला आहे. दिल्लीने आत्तापर्यंत ५ सामने खेळले आहेत. पण अद्याप विजयी सलामी ठोकता आलेली नाही.

यंदाच्या सीझनमध्ये दिल्लीची सुरुवात खराब झाली आहे. त्यांना सर्व सामन्यांमध्ये पराभवाचा सामना करावा लागला आहे. अशा सर्व परिस्थितीत संघाचा युवा वेगवान गोलंदाज दुखापतीमुळे संपूर्ण हंगामातून बाहेर पडला आहे.

पीटीआयच्या मते, दिल्ली कॅपिटल्सचा युवा आणि स्टार वेगवान गोलंदाज कमलेश नागरकोटी पाठीच्या दुखापतीमुळे आयपीएल 2023 मधून बाहेर पडला आहे. यापूर्वी दिल्लीने प्रियम गर्ग आणि अभिमन्यू ईश्वरन यांनाही चाचणीसाठी बोलावले होते. आता या दोनपैकी एक खेळाडू कमलेशच्या जागी संघात येईल अशी चर्चा होताना दिसत आहे.

कमलेश नागरकोटीने आत्तापर्यंत आयपीएलमध्ये एकूण 12 सामने खेळले आहेत. आयपीएलमधील सर्वोत्तम गोलंदाजी म्हणजे १३ धावांत दोन बळी. त्याने येथे ९.५ च्या इकॉनॉमीसह धावा केल्या आहेत.