Prithvi Shaw IPL 2023 : पृथ्वी शॉचा संकटाचा काळ सुरू झाला आहे. सलग सहा सामन्यांमध्ये सुपरफ्लॉप ठरल्यानंतर दिल्ली कॅपिटल्सने पृथ्वीला बाहेरचा रस्ता दाखवला. दिल्ली कॅपिटल्सने पृथ्वी शॉला ८ कोटींमध्ये घेतले होते. प्लेइंग इलेव्हन तर दूरच, वॉर्नरने सनरायझर्स हैदराबादविरुद्ध शेवटच्या १६ मध्येही त्याचा समावेश केला नाही.

गेल्या काही सामन्यांमध्ये वॉर्नर एक प्रभावशाली खेळाडू म्हणून मैदानावर आपली ताकद दाखवण्याची संधी त्याला देत होता. पण शॉला संधीचा फायदा उठवता आला नाही.

पृथ्वी शॉ सतत खराब फॉर्मशी झुंजत आहे. गेल्या ६ सामन्यांमध्ये त्याची सर्वोत्तम खेळी १५ धावांची होती, जी मुंबई इंडियन्सविरुद्ध खेळली गेली होती. त्याला ६ सामन्यात २ वेळा खातेही उघडता आले नाही. ६ सामन्यांमध्ये शॉचा स्कोअर १२, ७, ०, १५, ० आणि १३ होता. दिल्लीने त्याला फॉर्ममध्ये येण्यासाठी अनेक संधी दिल्या, पण त्याला लय सापडली नाही.

सर्फराज खानला संधी मिळाली -

शॉच्या जागी सरफराज खानला संधी देण्यात आली आहे. सरफराजशिवाय दिल्लीने रिपल पटेललाही संधी दिली आहे. शॉच्या खराब फॉर्मने दिल्लीलाही अडचणीत टाकले आहे.

शॉला संघातून वगळण्यापूर्वी दिल्लीने २ फलंदाजांना चाचणीसाठी बोलावले होते . बंगालचा सलामीवीर अभिमन्यू ईश्वरन आणि यूपीचा प्रियम गर्ग यांचा या शिबिरात समावेश होता. अशा परिस्थितीत शॉवर संकट कोसळणार असल्याची चर्चा आहे.