IPL 2023 LSG vs DC Krishnappa Gowtham Impact Player : लखनौ सुपर जायंट्सने आयपीएल 2023 च्या या हंगामात दिल्ली कॅपिटल्सचा पराभव करून धमाका केला. लखनौच्या फलंदाजांनी आणि नंतर गोलंदाजांनी डेव्हिड वॉर्नरच्या संघाला चांगला तुडवला. केएल राहुलच्या संघाने 50 धावांनी विजय मिळवला.

विजयाचा हिरो मार्क वुड होता, त्याने 14 धावांत 5 बळी घेतले. लखनौच्या या मोठ्या विजयात संघाचा मार्गदर्शक गौतम गंभीरचाही मोठा हात होता.

शेवटच्या षटकातील शेवटच्या चेंडूवर गंभीरने मोठी खेळी खेळली. लखनौने प्रथम फलंदाजी करताना 6 गड्यांच्या मोबदल्यात 193 धावा केल्या. शेवटच्या षटकात आयुष बडोनीने चेतन साकारियाच्या 2 चेंडूंवर सलग 2 षटकार ठोकले, पण पुढच्याच चेंडूवर तो बाद झाला. लखनौने 7 चेंडूत 18 धावा ठोकल्या. लखनौने 19.5 षटकांत 187 धावा केल्या होत्या.

19.5 षटकांनंतर गंभीरने रणनीती आखली आणि आयुष बडोनीच्या जागी कृष्णप्पा गौतमला इम्पॅक्ट प्लेअर म्हणून मैदानात उतरवले. गंभीरच्या निर्णयामुळे लखनौला शेवटच्या चेंडूवर 6 धावा मिळाल्या. गौतमने शेवटच्या चेंडूवर षटकार ठोकला.

लखनौने दिलेल्या लक्ष्याला प्रत्युत्तर देताना दिल्लीचा संघ 20 षटकांत केवळ 143 धावाच करू शकला. वुडने 5 वर्षांनी आयपीएलमध्ये पुनरागमन केले आणि पहिल्याच सामन्यात लखनौला मोठा विजय मिळवून दिला.