मुंबई इंडियन्सने त्यांच्या पराभवाची परंपरा कायम ठेवली आहे. मुंबईला यंदाच्या वर्षी देखील पहिल्याच सामन्यात पराभवाचा सामना करावा लागला आहे. या पराभवानंतर कॅप्टन रोहित शर्माने वेगवान गोलंदाज जसप्रीत बुमराहसंदर्भात खळबळजनक वक्तव्य केलं आहे. त्याच्या विधानामुळे क्रिकेट विश्वात खळबळ उडाली आहे. (ipl 2023 mumbai indians captain rohit sharma on jasprit bumrah )

रॉयल चॅलेंजर बंगळूरूने मुंबईचा 8 विकेट्सने पराभव केलाय. यानंतर रोहित शर्माने माध्यमांशी संवाद साधला. यावेळी त्याने जसप्रीम बुमराहच्या अनुपस्थितीवर भाष्य केलं आहे. 'गेल्या सहा ते आठ महिन्यांपासून आम्हाला जसप्रीत बुमराहशिवाय खेळण्याची सवय आहे.

अर्थात हा वेगळा सेटअप आहे पण कोणीतरी पुढाकार घेऊन पुढं जाणं आवश्यक आहे. असे सांगत, आम्ही त्यावर अवलंबून राहू शकत नाही, असं थेट वक्तव्य रोहित शर्माने केले आहे. रोहितच्या वक्तव्यानंतर क्रिकेट विश्वात खळबळ माजली आहे.

बुमराह याला गेल्या वर्षभरापेक्षा अधिक कालावधीपासून दुखापतीने ग्रासलं आहे. त्यामुळे बुमराहला टी 20 वर्ल्ड कप 2022 आणि त्यानंतर झालेल्या प्रत्यके सीरिजला मुकावं लागलं. त्यानंतर तो आयपीएलच्या 16 व्या हंगामापर्यंत फीट होईल, अशी अपेक्षा होती. मात्र दुखापतीमुळे बुमराहला इथेही खेळू शकत नाहीय.

तसेच, प्लेयर्सची दुखापती आपल्या नियंत्रणात नाहीत, त्यावर आम्ही फार काही करू शकत नाही. संघातील इतर खेळाडू देखील खूप प्रतिभावान आहेत. आपण त्यांना संधी द्यायला हवी, असं रोहित शर्मा म्हणालाय.