देशभरात आयपीएलचा फीव्हर पाहायला मिळत आहे. रॉयल चॅलेंजर्स बँगलोरचा स्टार फलंदाज विराट कोहली सध्या जबरदस्त फॉर्मात दिसून येत आहे. दरम्यान, त्याचा एक व्हिडीओ व्हायरल होताना दिसत आहे. या व्हिडीओमध्ये तो चक्क कविता लिहताना दिसत आहे.

रॉयल चॅलेंजर्स बँगलोरने विराट कोहलीचा मुलाखतीदरम्यानचा एक व्हिडिओ ट्विट केला आहे. विराटने स्वरचित कविता ऐकवून दाखवली आहे. ही कविता अत्यंत प्रेरणादायी असून केवळ 8 शब्दांचा वापर करून विराटने ही कविता लिहिली आहे.

सध्या विराटचा हा व्हिडिओ सोशल मीडियावर प्रचंड व्हायरल होत असून विराटाचे चाहते त्यावर लाईक्सचा वर्षाव करीत आहेत.

आयपीएल 2023 च्या निमित्ताने मिस्टर नॅग्स याने विराट कोहलीची मुलाखत घेतली. या मुलाखतीत विराटला मिस्टर नॅग्सने पोएट्री चॅलेंज म्हणजेच कविता करण्याचे चॅलेंज दिले होते.

ज्यामध्ये त्याने विराटला फक्त आठ शब्द दिले आणि कविता लिहिण्यास सांगितले. नॅग्सने विराटला फायर, बॅट, पिकल, टाइड, डकस मॅन आणि 49 हे शब्द दिले होते.

"तुमच्या इच्छा पूर्ण करा, तुमच्यातील आग प्रज्वलित करा, कठीण काळात फलंदाजी करा, यामध्ये कधी 263 होतील तर कधी 49 . आयुष्यात अनेक कठीण प्रसंग येतील पण या परिस्थितीतही तुम्ही आनंदी राहायला आणि हसायला विसरू नका.

तुम्हचे शतक होवो अथवा डक आउट आयुष्य हे पुढे चालूच राहते तुम्ही थांबू नका, तुम्हीच आहात तुमच्या जीवनाचे शिल्पकार." अशी कविता विराटने केवळ ८ शब्दांवर रचली.