आयपीएलच्या मेगा लिलावात जपून आणि मोठ्या शिताफीनं बोली लावणाऱ्या मुंबई इंडियन्सने अनकॅप्ड कॅटेगिरीमध्ये दुसरा डाव खेळला. 20 लाख मूळ किंमत असलेल्या एबीची कार्बन कॉपी अशी ओळख निर्माण करणाऱ्या डिवॉल्ड ब्रेविस याला त्यांनी आपल्या ताफ्यात घेतले. मुंबई इंडियन्सने पहिल्या दिवशी खरेदी केलेला हा दुसरा खेळाडू ठरला. याआधी त्यांनी ईशान किशनसाठी त्यांनी 15.75 कोटी मोजले होते. IPL Auction 2022 South Africa uncapped player Dewald Brevis Bought by Mumbai Indians in 3 crore

अंडर-19 वर्ल्ड कप स्पर्धेत दक्षिण आफ्रिकेच्या डिवॉल्ड ब्रेविस याने कमालीची कामगिरी करुन दाखवली होती. आफ्रिकेचा संघ फायनलपर्यंत पोहचला नसला तरी या युवा खेळाडूनं स्पर्धा गाजवली. त्याने 6 सामन्यात 506 धावा केल्या. 2003-04 मध्ये शिखर धवनने 505 धावा केल्या होत्या. हा विक्रम मोडीत काढणाऱ्या डेवाल्डची तुलना ही एबी डिव्हिलियर्ससोबत होत आहे. या Jr एबीला मुंबई इंडियन्सने आपल्या ताफ्यात सहभागी करुन घेतले. 20 लाख मूळ किंमत असलेल्या तरी अंडर 19 वर्ल्ड कप स्पर्धेतील कामगिरी त्याला मालामाल करु शकते.