Shreyas Iyer Video: इंडियन प्रीमियर लीग २०२४ स्पर्धेत ३१ वा सामना कोलकाता नाईट रायडर्स विरुद्ध राजस्थान रॉयल्स या संघांत मंगळवारी खेळला जात आहे. ईडन गार्डन्सवर होत असलेल्या या सामन्यापूर्वी नाणेफेकीवेळी कोलकाताचा कर्णधार श्रेयस अय्यरने केलेल्या एका कृतीने राजस्थानचा कर्णधार संजू सॅमसनलाही चकीत केले.

हा सामना कोलकाताच्या घरच्या मैदानावर होत असल्याने सामनाधिकाऱ्यांनी नाणे श्रेयसच्या हातात दिले. यावेळी नाणे उडवण्यापूर्वी तो त्याला किस करताना दिसला, त्यानंतर त्याने ते नाणे उडवले.

दरम्यान, किस केल्यानंतरही नाणेफेकीचा निर्णय श्रेयसच्या बाजू्ने लागला नाही, राजस्थानने नाणेफेक जिंकत प्रथम गोलंदाजीचा निर्णय घेतला.

श्रेयसने नाणेफेकीपूर्वी त्या नाण्याला किस केल्याचे प्रेझेंटेटर संजय मांजरेकर यांनी राजस्थानचा कर्णधार संजू सॅमसनला सांगितले, ते ऐकून तोही आर्श्चर्याने श्रेयसकडे पाहून हसू लागला. त्यानंतर मांजरेकरांनी याबाबत श्रेयसला विचारल्यानंतर त्याने सांगितले की ते फक्त एक फ्लाईंग किस होते.

दरम्यान, यंदाच्या आयपीएल हंगामात श्रेयस अय्यरने अशाप्रकारे नाणेफेकीवेळी नाण्याला किस करण्याची ही पहिलीच वेळ नाही. यापूर्वीही दोनवेळा त्याने असे केले आहे. पण आधी दोन्ही वेळेस नाणेफेकीचा निकाल त्याच्या बाजूने लागला आणि सामन्याचाही निकाल त्याच्याबाजूने लागला होता.

तथापि, राजस्थानविरुद्ध नाणेफेक हरल्यानंतर श्रेयसने सांगितले की त्यालाही प्रथम गोलंदाजी करायची होती.

दरम्यान, या सामन्यासाठी कोलकाताने त्यांच्या प्लेइंग इलेव्हनमध्ये बदल केलेला नाही, तर राजस्थान संघात या सामन्यातून जॉस बटलर आणि आर अश्विन यांचे पुनरागमन झाले आहे.

31 व्या आयपीएल सामन्यासाठी दोन्ही संघ

कोलकाता नाईट रायडर्स - फिलिप सॉल्ट (यष्टीरक्षक), सुनील नारायण, अंगक्रिश रघुवंशी, श्रेयस अय्यर (कर्णधार), व्यंकटेश अय्यर, रिंकू सिंग, आंद्रे रसेल, रमणदीप सिंग, मिचेल स्टार्क, वरुण चक्रवर्ती, हर्षित राणा.

• इम्पॅक्स प्लेअरसाठी पर्याय - सुयश शर्मा, अनुकूल रॉय, मनीष पांडे, रहमानउल्ला गुरबाज, वैभव अरोरा

राजस्थान रॉयल्स - यशस्वी जैस्वाल, संजू सॅमसन (यष्टीरक्षक/कर्णधार), रियान पराग, ध्रुव जुरेल, शिमरॉन हेटमायर, रोवमन पॉवेल, रविचंद्रन अश्विन, ट्रेंट बोल्ट, आवेश खान, कुलदीप सेन, युझवेंद्र चहल

• इम्पॅक्स प्लेअरसाठी पर्याय - जोस बटलर, कोहलर-कॅडमोर, शुभम दुबे, नवदीप सैनी, नांद्रे बर्गर