मुंबई : आयपीएलच्या निमित्ताने मला अगोदर रोहित शर्मा आणि आता विराट कोहली या क्रिकेट विश्वातील दोन महान फलंदाजांसह खेळायला मिळाले हे माझे भाग्य समजतो, असे ऑस्ट्रेलियाचा अष्टपैलू खेळाडू कॅमेरून ग्रीनने सांगितले.

ग्रीन गेल्या वर्षी मुंबई इंडियन्स संघात होता. यंदा खेळाडू अदलाबदलात त्याला बंगळूर संघाने आपल्या संघात घेतले. आधुनिक क्रिकेटमधील हे दोन फलंदाज खेळाकडे कसे पाहतात, कशी मानसिक तयारी करतात हे त्यांच्याकडून शिकायला मिळाले, कधी कधी यावर माझा विश्वास बसत नाही, असे ग्रीनने सांगितले.

रोहित आणि विराट यांच्यात कोणता फरक आहे, याबाबत विचारले असता ग्रीन म्हणतो, दोघेही खेळाडू आपल्या संघासाठी खूप वेळ देतात, आपला अनुभव संघातील सहकाऱ्यांना देत असतात.