मुंबई इंडियन्सने रविवारी वानखेडे स्टेडियमवर झालेला आयपीएलमधील १ हजारावा सामना मोठ्या दिमाखात जिंकला. मात्र, कर्णधार रोहित शर्माच्या विकेटवर प्रश्न चिन्ह उपस्थित होत आहे. त्याचा व्हिडीओ सोशल मीडियावर तुफान व्हायरल होताना दिसत आहे. (Mumbai Indians Captain Rohit Sharma Dismissal controversy )

संदीप शर्माच्या बॉलवर कॅच झेलत असताना संजूचा हात विकेट्सला लागतो आणि स्टंप्सच्या लाईट्स लागतात. त्यामुळे रोहितला आऊट देण्यात आलं. त्यावरून मोठा वाद निर्माण झाला आहे.

नेमकं काय घडलं?

व्हायरल होत असलेल्या व्हिडिओमध्ये रोहित शर्मा बॅटिंग करताना दिसतोय, तर दुसरीकडे विकेटमागे संजू उभा आहेत. संदीप शर्माच्या बॉलवर कॅच झेलत असताना संजूचा हात विकेट्सला लागतो आणि स्टंप्सच्या लाईट्स लागतात. त्यामुळे रोहितला आऊट देण्यात आलं. त्यावरुन सोशल मीडियावर फॅन्स नाराज झाले आहेत.

चाहत्यांनी ट्विटरवर रोहितच्या बाद झाल्याची विकेट पोस्ट करत दावा केला की, चेंडू बेल्सला लागला नाही, पण विकेटकीपर संजू सॅमसनच्या ग्लोव्हजमुळे बेल्स जमीनीवर पडल्या. त्यामुळं मुंबई इंडियन्सचा कर्णधार रोहित शर्माला बाद करण्याचा निर्णय देताना अंपायरकडून मोठी चूक झाल्याचं उघडकीस आलंय.

आयपीएल 2023 मध्ये 42 वा सामना मुंबई इंडियन्स विरुद्ध राजस्थान रॉयल्स या दोन संघात संपन्न पडला. रोहित शर्माचा हा 150 वा आयपीएल सामना होता. मात्र, नेहमीप्रमाणे वाढदिवसादिवशी रोहितचा फ्लॉप शो दिसून आला. राजस्थानविरुद्ध रोहितला 5 बॉलमध्ये केवळ 3 धावा करता आल्या आहेत. संदीप शर्माच्या या परफेक्ट बॉलवर रोहित शर्मा क्लिन बोल्ड झाला.