RR vs CSK Live : राजस्थानने ठेवलेल्या 203 धावांचा पाठलाग करताना चेन्नईकडूनऋतुराज गायकवाड (47) आणि शिवम दुबे (52) यांनी झुंजार फलंदाजी केली. मात्र सीएसकेला 20 षटकात 170 धावांपर्यंतच मजल मारता आली. राजस्थानने 32 धावांनी सामना जिंकत 10 गुणांसह गुणतालिकेत अव्वल स्थान पटकावले. राजस्थानकडून अॅडम झाम्पाने 3 तर रविचंद्रन अश्विनने 2 विकेट्स घेतल्या. फलंदाजीत यशस्वी जैसवालने धडाकेबाज फलंदाजी करत 77 धावा ठोकल्या होत्या.

राजस्थान रॉयल्सने पॉईंट टेबलचे टॉपर असलेल्या चेन्नई सुपर किंग्जविरूद्ध 202 धावांचा डोंगर उभा केला. सलामीवीर यशस्वी जैसवालने 43 चेंडूत 77 धावांची धडाकेबाज खेळी केली. विशेष म्हणजे सवाई मानसिंग स्टेडियमवर कोणालाही 200 धावाचा टप्पा पार करता आला नव्हता तो आज राजस्थानने संजू सॅमसनच्या 200 व्या सामन्यात पार केला. यशस्वीनंतर ध्रुव जुरेलने 15 चेंडूत 35 धावांची खेळी करत राजस्थानला 202 धावा करण्यात मोठा हातभार लावला. चेन्नईकडून तुषार देशपांडेने दोन विकेट्स घेतल्या.

देवदत्त पडिक्कल आणि ध्रुव जुरेल यांनी आरसीबीचा डाव सावरत आक्रमक फलंदाजी करण्यास सुरूवात केली.

यशस्वी जैसवालने धडाकेबाज खेळी करत राजस्थानला पहिल्या 10 षटकात 100 धावांपर्यंत पोहचवले. मात्र त्यानंतर चेन्नईच्या गोलंदाजांना जोरदार पुनरागमन केले. तुषार देशपांडेने 14 व्या षटकात कर्णधार संजू सॅमसनला 17 धावांवर पॅव्हेलियनची वाट धरायला लावली. त्यानंतर याच षटकात 43 चेंडूत 77 धावांची खेळी करणाऱ्या यशस्वी जैसवालला माघारी धाडत राजस्थानच्या धावगतीला ब्रेक लावला.

सलामीवीर यशस्वी जैसवालने पहिल्या षटकातील आपला धडाका संपूर्ण पॉवर प्ले कायम ठेवत नाबाद अर्धशतक ठोकले. त्याने जॉस बटलरसोबत 8 षटकात 86 धावांची सलामी दिली. त्यात बटलरचा वाटा 27 धावांचा होता. बटलर बाद झाल्यानंतर यशस्वीने संजू सॅमसनसोबत राजस्थानचे 10 व्या षटकात शतक धावफलकावर लावले.

राजस्थान रॉयल्सचा सलामीवीर यशस्वी जैसवालने आकाश सिंहच्या पहिल्याच षटकात तीन चौकार ठोकत दमदार सुरूवात केली.

राजस्थान रॉयल्सने नाणेफेक जिंकून प्रथम फलंदाजी करण्याचा निर्णय घेतला आहे. अ