IPL 2023 Virat Kohli on Sourav Ganguly : आयपीएल-2023 च्या सामन्यात रॉयल चॅलेंजर्स बंगळुरू संघाने शनिवारी दिल्ली कॅपिटल्सवर 23 धावांनी विजय नोंदवला. दरम्यान बेंगळुरूच्या एम चिन्नास्वामी स्टेडियममध्ये एक विचित्र दृश्य पाहायला मिळाले. रॉयल चॅलेंजर्स बंगळुरू संघाचा माजी कर्णधार विराट कोहली आणि बीसीसीआयचे माजी अध्यक्ष सौरव गांगुली यांच्या नात्यातील दरी स्पष्टपणे दिसत होती.

बेंगळुरूच्या एम चिन्नास्वामी स्टेडियमवर शनिवारी हाय व्होल्टेज आयपीएल सामना झाला. आरसीबीने हा सामना जिंकला आणि दिल्ली कॅपिटल्सला हंगामातील सलग 5व्या पराभवाला सामोरे जावे लागले. या सामन्यातील फलंदाज विराट कोहली आणि दिल्ली कॅपिटल्सचे संचालक सौरव गांगुली यांनी हातात हात दिला नाहीत. हा व्हिडीओ व्हायरल झाल्यानंतर एकच खळबळ उडाली.

कर्णधार कोहलीने दिल्ली कॅपिटल्सवर आरसीबीच्या विजयात मोलाचे योगदान दिले. ओपनिंग करताना त्याने 34 चेंडूत 6 चौकार आणि 1 षटकाराच्या मदतीने 50 धावा केल्या. तो त्याच्या संघासाठी सर्वाधिक धावा करणारा खेळाडू होता. याआधी कोलकाता नाईट रायडर्स आणि लखनौ सुपर जायंट्स विरुद्धच्या लढतीत आरसीबीचा पराभव झाला होता. सामना संपल्यानंतर खेळाडूंनी एकमेकांशी हस्तांदोलन करताच विराट आणि गांगुली यांच्या नात्यात दुरावा असल्याचे दिसून आले. आता त्याचा व्हिडिओ सोशल मीडियावर व्हायरल होत आहे.

आरसीबी आणि दिल्ली यांच्यातील सामन्यानंतर दोन्ही संघांचे खेळाडू आणि सपोर्ट स्टाफने हस्तांदोलन करून खिलाडूवृत्ती दाखवली. कोहली आणि गांगुली यांनी हस्तांदोलन केले नसल्याचे व्हायरल व्हिडिओमध्ये दिसत आहे. कोहली दिल्ली कॅपिटल्सचे मुख्य प्रशिक्षक रिकी पाँटिंग यांच्यात चर्चा सुरू होती. त्यानंतर विराट कोहलीला हस्तांदोलन न करता गांगुली रांगेत पुढे गेला.