'कृपया आता निवृत्ती घेऊन भारतीय संघ व मुंबई इंडियन्सला सोड', अशी प्रतिक्रिया मुंबई इंडियन्सचा पराभव झाल्यानंतर नेटकरी देताना दिसत आहेत. मुंबई इंडियन्सने त्यांच्या पराभवाची परंपरा कायम ठेवली आहे. मुंबईला यंदाच्या वर्षी देखील पहिल्याच सामन्यात पराभवाचा सामना करावा लागला आहे. या पराभवानंतर कॅप्टन रोहित शर्मा ट्रोल होताना दिसत आहे. (Rohit sharma troll)

आयपीएल 2023 स्पर्धेचा पाचवा सामना रॉयल चॅलेंजर्स बेंगलोर विरुद्ध मुंबई इंडियन्स संघात बंगळुरूच्या एम चिन्नास्वामी स्टेडिअमवर रंगला. प्रथम फलंदाजीची संधी मिळाल्यानंतर मुंबई इंडियन्सचा कर्णधार रोहित शर्मा हा अपयशी ठरला.

त्याला केवळ एक धाव बनवता आली. इतकेच नव्हे तर मुंबईला यंदाच्या वर्षी देखील पहिल्याच सामन्यात पराभव स्विकारावा लागला. त्याच्या या पराभवावर क्रिकेटप्रेमी चांगलेच संतापले आहेत.

क्रिकेटप्रेमींनी रोहितवरील नाराजी सोशल मीडियावर व्यक्त केली आहे. 'कृपया आता निवृत्ती घेऊन भारतीय संघ व मुंबई इंडियन्सला सोड’ तसेच, रोहितला बसवून आता अर्जुन तेंडुलकरला संधी देण्याची वेळ आली आहे.

आयपीएल 2023 मध्ये आज पाचवा सामना मुंबई इंडियन्स विरुद्ध रॉयल चॅलेंजर्स बँगलोर यांच्यात खेळवला गेला. या सामन्यात आरसीबीने मुंबई इंडियन्सचा 8 विकेट्सने पराभव केला आहे. या पराभवासोबतच मुंबई इंडियन्सने आपला 10 वर्षांचा इतिहास कायम ठेवला आहे. या सामन्यात विराट कोहली आणि कर्णधार फाफ डु प्लेसिस हे दोघे आरसीबीच्या विजयाचे शिल्पकार ठरले.