Shikhar Dhawan IPL 2023 : आयपीएल 2023 चा 38 वा लखनौ सुपर जायंट्स आणि पंजाब किंग्ज यांच्यात खेळल्या गेला. या सामन्यात पंजाब संघाला त्यांच्या घरच्या मैदानावर 56 धावांनी पराभव स्वीकारावा लागला. मोहालीच्या आयएस बिद्रा क्रिकेट स्टेडियमवर झालेल्या या सामन्यात लखनौ सुपरजायंट्सने प्रथम फलंदाजी करताना 5 विकेट गमावत 257 धावा केल्या.

प्रत्युत्तरात पंजाबचा संघ 19.5 षटकांत 201 धावांवर गारद झाला. या मोठ्या पराभवानंतर पंजाब किंग्जचा कर्णधार शिखर धवनने सामना गमावण्याचे कारण स्पष्ट केले आणि आपल्या संघाच्या खेळावर मोठे विधान केले.

या सामन्यात कर्णधार शिखर धवनने नाणेफेक जिंकून प्रथम गोलंदाजी करण्याचा निर्णय घेतला. मात्र या सामन्यात त्यांचे गोलंदाज पूर्णपणे फ्लॉप ठरले. या पराभवानंतर शिखर धवनने आपली चूक मान्य करत मोठे वक्तव्य केले आणि म्हटले की, आम्ही अनेक अनावश्यक धावा दिल्या आणि त्याचा फटका आम्हाला सहन करावा लागला. मला वाटते की अतिरिक्त वेगवान गोलंदाज घेऊन जाण्याची रणनीती चुकीची ठरली तर केएल राहुलने अतिरिक्त फिरकी गोलंदाज आणला. मी काहीतरी बदलण्याचा प्रयत्न केला जो आज चालला नाही पण हरकत नाही. हा माझ्यासाठी चांगला धडा आहे आणि आता मी जोरदार पुनरागमन करेन.

पंजाब किंग्जचा संघ हा सामना हरला असला तरी त्यांच्या संघाचा कर्णधार शिखर धवन दुखापतीच्या विश्रांतीनंतर या सामन्यात परतला आहे. या सामन्यात धवनला एकच धाव करता आली असली तरी त्याच्या पुनरागमनामुळे संघाला लीगमध्ये अधिक बळ मिळेल.

धवन यंदा चांगल्या फॉर्ममध्ये होता पण दुखापतीमुळे त्याला विश्रांती घ्यावी लागली. धवन आता पूर्णपणे तंदुरुस्त आहे. धवनने या मोसमात आतापर्यंत 5 सामन्यात 78.00 च्या सरासरीने आणि 145.34 च्या स्ट्राईक रेटने 234 धावा केल्या आहेत.