Umran Malik IPL 2022: आयपीएल २०२२ लीग मध्ये काल पंजाब किंग्ज आणि सनरायझर्स हैदराबाद यांच्यात शेवटचा सामना खेळला गेला. हैदराबादचा कर्णधार भुवनेश्वर कुमारने नाणेफेक जिंकून प्रथम फलंदाजीचा निर्णय घेतला. पंजाब किंग्जची फलंदाजी सुरू असताना SHR चा गोलंदाज उमरान मलिकने एक चेंडू असा ठाकला की पंजाब किंग्जच्या कर्णधार मयंक अग्रवालच्या बरगडीला लागला. चेंडू लागताच मयंक अग्रवाल जमिनीवर पडला. त्याला खूप वेदना होत होत्या, त्यामुळे सामना काही वेळ थांबवला होता. चांगली गोष्ट म्हणजे मयंक अग्रवाल पुन्हा उभा राहिला, आणि खेळायला लागला. (Umran Malik delivery hits Mayank Agarwal)

उमरान मलिक हैदराबादसाठी सातव्या षटकात गोंलदाजी करण्यासाठी आला. पंजाबचा कर्णधार मयांक अग्रवाल त्याच्यासमोर होता. उमरान मलिकने ओव्हरचा चौथ्या चेंडू 143.2 किमी प्रतितास वेगाने टाकला. मयंक अग्रवालला काही समजता.आणि चेंडू थेट मयंकच्या बरगड्याना लागला. तरीही तो एक धाव काढण्यासाठी धावला. त्यानंतर मयंक थेट जमिनीवरच झोपला. यानंतर फिजिओ मैदानावर आला आणि त्याच्यावर उपचार करण्यात आले. मयंकला प्रचंड वेदना होत होत्या. औषध घेताच उभा राहून पुन्हा फलंदाजी करायला लागला. या अपघातातून मयंक अग्रवाल सावरू शकला नाही. त्याला वॉशिंग्टन सुंदरने बाद केले.

सामन्याबद्दल बोलायचे झाले तर नाणेफेक जिंकून सनरायझर्स हैदराबादने प्रथम फलंदाजी करत 20 षटकात 8 गडी गमावून 157 धावा केल्या. अभिषेक शर्माने 43 आणि रोमॅरियो शेफर्डने नाबाद 26 धावांचे योगदान दिले. प्रत्युत्तरात पंजाब किंग्जने 29 चेंडू राखून 160 धावा करून लक्ष्य गाठले. इंग्लिश फलंदाज लियाम लिव्हिंगस्टोनने नाबाद 49 आणि शिखर धवनने 39 धावा केल्या.