IPL 2022: रॉयल चॅलेंजर्स बंगळुरूचा (RCB) माजी कर्णधार आणि टीम इंडियाचा स्टार खेळाडू विराट कोहलीचे नशीब त्याला बऱ्याच दिवसांपासून साथ देत नाही. विराट कोहली इंडियन प्रीमियर लीगच्या १५ व्या हंगामात गोल्डन डकचा बळी ठरला. कोहली लखनऊ सुपर जायंट्सविरुद्ध खाते न उघडता पहिल्याच चेंडूवर बाद झाला. विराट कोहलीचा खराब फॉर्म अनेक दिवसांपासून सुरू आहे. जो आंतरराष्ट्रीय क्रिकेटनंतर आता आयपीएलमध्येही दिसायला सुरूवात झाले आहे. विराट कोहली पहिल्याच चेंडूवर आऊट होऊन हसत पॅव्हेलियनमध्ये जाताना एक्सप्रेशन खूप व्हायरल होत आहे.(Virat Kohli Golden Duck Twitter Reaction)

पहिल्याच चेंडूवर किंग कोहली अशा प्रकारे बाद झाल्याने चाहते खूपच निराश झाले. विराट कोहली सोशल मीडियावर लगेचच नंबर वन ट्रेंड बनला. कोहलीचे फोटो एक्सप्रेशन आणि स्कोअर खूप पटकन व्हायरल झाले.

विराट कोहली बाद झाल्यावर चाहत्यांच्या वेगवेगळ्या प्रतिक्रिया आल्या. ज्यामध्ये एका महिलेने स्टेडियममध्ये आपला चेहरा झाकला होता. तर सोशल मीडियावर अनेक मीम्स व्हायरल होत आहे. काही चाहत्यांनी लिहिले की, विराट कोहलीला असे पाहून माझं हृदय तुटत आहे. आपल्या राजाची कारकीर्द संपलेली दिसत आहे.(IPL 2022 Virat Kohli Update)

विराट कोहली गेल्या पाच वर्षांत पहिल्यांदाच गोल्डन डकचा बळी ठरला आहे. दुष्मंता चमीराचा चेंडू कोहली पॉइंटच्या दिशेने खेळत असताना झेल बाद झाला. विराट आऊट झाल्यावर थोडावेळ हसला आणि मग पॅव्हेलियनच्या दिशेने चालायला सुरवात केले.