WTC Final Ind vs Aus : रोहित शर्मा, विराट कोहली, आर अश्विन, रवींद्र जडेजा आणि शुभमन गिल असे भारताचे सर्व स्टार खेळाडू सध्या आयपीएलमध्ये व्यस्त आहेत. हे सर्वजण आयपीएलमध्ये आपापल्या संघांना विजय मिळवून देण्यासाठी प्रयत्न करत आहे. दरम्यान असा एक व्हिडिओ सोशल मीडियावर व्हायरल होत आहे जो टीम इंडियाची झोप उडवून देईल.

आयपीएलनंतर भारताला लंडनच्या ओव्हल मैदानावर 7 जूनपासून ऑस्ट्रेलियाविरुद्ध वर्ल्ड टेस्ट चॅम्पियनशिपचा अंतिम सामना खेळायचा आहे. भारतीय खेळाडू आयपीएलमध्ये व्यस्त असले तरी ऑस्ट्रेलियाने त्याची तयारी सुरू केली आहे. ऑस्ट्रेलियाचा दिग्गज फलंदाज स्टीव्ह स्मिथ कौंटी क्रिकेटमध्ये घाम गाळत आहे. ससेक्सकडून खेळताना त्याने असा अप्रतिम झेल घेतला की कोणालाही आश्चर्य वाटेल.

ससेक्स आणि लीसेस्टरशायर यांच्यात सामना खेळल्या जात आहे. सामन्याच्या चौथ्या दिवशी रहमान अहमद क्रीजवर होता. रहमान ड्राईव्ह खेळण्याचा प्रयत्न केला पण चेंडू बॅटच्या काठावर जाऊन स्लिपच्या दिशेने गेला. चेंडू स्टीव्ह स्मिथपासून खूप दूर होता. त्याने एक हात लांब केला आणि चेंडू पकडण्यासाठी डायव्हिंग केले. स्मिथचा हा झेल पाहून सर्वांनाच आश्चर्य वाटले.

स्मिथचा हा झेल टीम इंडियाचे टेन्शन वाढवण्यासाठी पुरेसा आहे. 13 सेकंदांचा हा व्हिडिओ दाखवतो की ऑस्ट्रेलियाने आपली तयारी मजबूत केली आहे मग ती फलंदाजी असो, गोलंदाजी असो किंवा क्षेत्ररक्षण असो. भारतीय विरोधी संघ सर्व प्रकारे आक्रमण करण्यास सज्ज आहे. अशा स्थितीत भारताला टिकावे लागेल. स्टीव्ह स्मिथच्या नेतृत्वाखाली ऑस्ट्रेलियाने नुकताच भारतात कसोटी सामना जिंकला होता. आयपीएलनंतर भारताला तयारीसाठी फारसा वेळ मिळणार नाही.