सध्या देशात आयपीएल (IPL 2023) ची मोठी क्रेझ पाहायला मिळत आहे. या लीगमध्ये भारतासोबतच इतर देशांचे क्रिकेटपटूही सहभागी झाले आहेत. आयपीएल २०२३ मध्ये रोज एकापेक्षा एक रोमांचक सामने या लीगमध्ये पाहायला मिळत आहेत. आजही आयपीएलमध्ये २ रोमांचक सामने खेळले जाणार आहेत.

दरम्यान, आयपीएलमधील पॉइंट टेबलमध्ये नंबर १ वर असलेल्या संजू सॅमसनचा संघ राजस्थान रॉयल्सच्या अधिकृत ट्विटर अकाउंटवरून एक फोटो पोस्ट करण्यात आला आहे. ज्यामध्ये राजस्थान रॉयल्सचे २ दिग्गज खेळाडू जोस बटलर आणि युझवेंद्र चहल दिसत आहेत. या फोटोमुळे युजवेंद्र चहलला आणि त्याची पत्नी धनश्रीला सोशल मीडियावर चाहत्यांकडून खूप ट्रोल केले जात आहे.

जॉस बटलर आणि युझवेंद्र चहल फोटोमध्ये एकत्र आहेत. या फोटोमध्ये बटलर आपल्या मुलीला कडेवर घेऊन उभा आहे, तर चहल हा गुडघे टेकून त्याला फिल्मी स्टाईलमध्ये प्रपोज करताना दिसत आहे. चहलच्या एका हातात फूल आहे, दुसऱ्या हाताने त्याने बटलरचा हात पकडला आहे. त्याच्या या कृतीमुळे युजवेंद्र चहलला त्याच्या चाहत्यांनी सोशल मीडियावर ट्रोल केले आहे.

हा फोटो व्हायरल झाल्यानंतर सोशल मीडियावर मीम्सचा पाऊस पडताना दिसत आहे. या फोटोच्या अनेक मीम्स व्हायरल होत आहेत. लोक धनश्री चहला देखील याफोटोवरून ट्रोल करताना मजेशीर मीम्स पोस्ट करत आहेत.