Ishan Kishan West Indies Vs India : भारत आणि वेस्ट इंडीज यांच्यातील पहिल्या वनडे सामन्यात विंडीजने भारतासमोर 115 धावांचे माफक आव्हान ठेवले होते. हे आव्हान पार करण्यासाठी भारताने आपल्या सलामी जोडीत बदल केला होता. कर्णधार रोहित शर्माने आपली जागा डावखुरा फलंदाज इशान किशनला दिली होती.

इशान किशन आणि शुभमन गिल या दोन युवा फलंदाजांनी सलामी दिली. मात्र ही सलामी यशस्वी ठरली नाही. शुभमन गिल अवघ्या 7 धावा करून माघारी परतला. त्याला विंडीज दौऱ्यावर फारशी चमक दाखवता आलेली नाही.

दुसरीकडे रोहित शर्माने विश्वासाने आपली जागा इशान किशनला दिली होती. त्याने आपल्या कर्णधाराचा विश्वास सार्थ ठरवत अर्धशतकी खेळी केली. मात्र तोही सामना फिनिश न करताच बाद झाला. विजयासाठी 25 धावांची गरज असताना तो बाद झाला.

भारताच्या दुसऱ्या फलंदाजांचा विचार केला तर गिल पाठोपाठ सूर्यकुमार यादव आणि हार्दिक पांड्या देखील फेल गेले. सूर्यकुमारला फक्त 19 धावांचे योगदान देता आले. तर हार्दिक पांड्या 5 धावांवर धावबाद झाला.

भारत आणि वेस्ट इंडीज यांच्यातील पहिल्या वनडे सामन्यात वेस्ट इंडीजने अत्यंत खराब फलंदाजी केली. विंडीजचा संपूर्ण संघ 23 षटकातच 114 धावा करत पॅव्हेलियनमध्ये परतला. भारताकडून रविंद्र जडेजा 3 आणि कुलदीप यादव यांना 4 बळी टिपले.

(Sports Latest News)